आवाज बिहिनहरुको आवाज
मुग्लिन–काठमाडौं सडकखण्ड पूर्ण रूपमा अवरुद्ध भए पनि काठमाडौंमा पेट्रोलियम पदार्थ र एलपी ग्यासको आपूर्तिमा समस्या नहुने नेपाल आयल निगमले जनाएको छ। निगमले हेटौंडा हुँदै वैकल्पिक मार्गबाट इन्धन आपूर्ति गर्ने तयारी गरेको छ।
बाढीका कारण काठमाडौं–मुग्लिन सडक पूर्ण रूपमा अवरुद्ध भएको छ। त्रिशूली नदीमा आएको तीव्र बहावले सडकको तल्लो भाग कटान गर्दा सडक केही भासिएको छ भने यात्रुहरू अलपत्र परेका छन्।
अविरल वर्षाले सडक अवरुद्ध भएपछि देशका विभिन्न स्थानमा यातायात प्रभावित भएको छ। पहिरो र बाढीका कारण दर्जनौँ सडकखण्डमा आवागमन रोकिएको छ।
असार २४ गतेको बाढीले अवरुद्ध बनाएको स्याफ्रुबेँसी–रसुवागढी सडक खण्ड आज साउन ४ गतेदेखि पुनः एकतर्फी रूपमा सञ्चालनमा आएको छ। सुरक्षाका मापदण्ड पालना गर्दै हाल हलुका सवारीलाई अनुमति दिइएको छ भने क्रमिक रूपमा मालवाहक सवारी पनि सञ्चालनमा ल्याइने बताइएको छ।
बुटवल–नारायणगढ सडकअन्तर्गतको दाउन्ने खण्डमा गत एक वर्षमा ६३ पटक सडक अवरुद्ध भएको छ। भारी वर्षा र पहिरोका कारण सडकमा बारम्बार समस्या देखिन थालेको छ। विनयी खोला पुल भाँचिएपछि यातायात थप अव्यवस्थित बनेको थियो भने हाल सडक विस्तार र मर्मतका काम तीव्र रुपमा भइरहेको छ।
काभ्रेपलाञ्चोकको खोपासी–च्याम्राङबेंसी सडकखण्ड सुक्खा पहिरोले पूर्ण रूपमा अवरुद्ध भएको छ। पार्थलीमा करिब ५० मिटर सडक पुरिएको छ, जसले स्थानीय बासिन्दाको आवतजावतमा गम्भीर समस्या उत्पन्न गरेको छ।
मुग्लिन-नारायणगढ सडकखण्डको भरतपुर महानगरपालिका वडा नम्बर २९ स्थित १५ किलो भन्ने स्थानमा मध्यराती पाँच वटा सवारी साधन एकापसमा ठोक्किएर भएको भीषण दुर्घटनामा २२ जना घाइते भएका छन्, जसमा १४ जनाको अवस्था गम्भीर छ। दुर्घटनापछि अवरुद्ध भएको सडक राती साढे दुई बजेपछि पुन: सञ्चालनमा आएको छ। दुर्घटनाको विस्तृत विवरण आउन बाँकी छ।
