Gandaki

बाढीले पक्की पुल बगाएपछि नुवाकोटका स्थानीय त्रिशूली नदी वारपार गर्न फेरि तुइनको भरमा परेका छन्। तुइनबाट औषधि र अत्यावश्यक सामग्रीसमेत ओसारपसार भइरहेको छ।

बाढीका कारण काठमाडौं–मुग्लिन सडक पूर्ण रूपमा अवरुद्ध भएको छ। त्रिशूली नदीमा आएको तीव्र बहावले सडकको तल्लो भाग कटान गर्दा सडक केही भासिएको छ भने यात्रुहरू अलपत्र परेका छन्।

पोखरामा सडकको नालीमा आएको भेलले बगाउँदा आमा–छोरीको मृत्यु भएको छ। स्कुटरमा यात्रा गरिरहेका बेला भेलमा परेका उनीहरूलाई अचेत अवस्थामा उद्धार गरी अस्पताल पुर्‍याइएको थियो।