Uncategorized

बागमती नदीमा जलसतह बढे पनि अवस्था सामान्य रहेको छ। दिउँसो १२ बजेको मापनअनुसार जलसतह ३.९० मिटर पुगेको छ भने बागमती सिँचाइ आयोजनाका ३६ वटै ढोका खोलिएका छन्।

लगातारको वर्षाका कारण काभ्रेको भुम्लु–५ स्थित सल्ले प्रहरी चौकी पहिरोको जोखिममा परेको छ। पहिरोपछि भवनलाई त्रिपालले छोपेर सुरक्षात्मक उपाय अपनाइएको छ।

अविरल वर्षाका कारण पृथ्वी राजमार्गमा पहिरो खसेपछि केही समय एकतर्फी भएको थियो ।धादिङको कृष्णभिर सडकखण्डमा पहिरो खसेपछि केही समय एकतर्फी भएको सडक अहिले दुईतर्फी सञ्चालनमा आएको छ। भारी वर्षाका कारण पहिरोको जोखिम बढेपछि धादिङको कृष्णभिर सडकखण्डमा राति ८ बजेदेखि बिहान ५ बजेसम्म सवारी सञ्चालन बन्द गरिने भएको छ।

मकवानपुरको इन्द्रसरोवर गाउँपालिका–२ स्थित सुकौरा सडक खण्डमा इभी दुर्घटनामा मृत्यु भएका चारै जनाको पहिचान खुलेको छ।