आवाज बिहिनहरुको आवाज
एमाले प्रलोपा सहमतिअन्तर्गत प्रतिनिधिसभा निर्वाचन २०८२ लाई लक्षित गर्दै एमाले र प्रगतिशील लोकतान्त्रिक पार्टीबीच नयाँ तीनबुँदे समझदारी भएको छ, जसले विभिन्न जिल्लामा साझा समर्थनको आधार तय गरेको छ।
ललितपुर महानगरपालिका–१७ बाफल भेल्पास्थित एक खाजाघरमा जुवातास खेलिरहेको अवस्थामा ९ जनालाई प्रहरीले पक्राउ गरेको छ। प्रहरीले उनीहरूको साथबाट नगद १ लाख ७३ हजार ४ सय रुपैयाँ र तीन बुक तास बरामद गरेको जनाएको छ।
काठमाडौं महानगरपालिका महानगर प्रहरी बलको कमान्ड एसपी विष्णुप्रसाद जोशीले सम्हालेका छन्। पूर्व प्रमुख एसएसपी राजुनाथ पाण्डेको राजीनामापछि वरिष्ठताका आधारमा जोशी नगर प्रहरी प्रमुख बनेका हुन्।
मलेसियाका अलराउन्डर विरानदीप सिंहले टी–२०आईमा ३ हजार रन र १०० विकेट पूरा गर्दै दुर्लभ इतिहास रचे। १०६ खेलमा उनले ३१०० भन्दा बढी रन र १०२ विकेट लिएका छन्।
सर्लाहीको मलंगवामा विवाह पञ्चमीको अवसरमा आज एक दिनका लागि माछामासु र मदिरा बिक्री–वितरणमा पूर्ण प्रतिबन्ध लागू गरिएको छ।
क्लाउडफेयरको मर्मतका कारण एक्सदेखि च्याटजिपीटीसम्म ७५ लाखभन्दा बढी वेबसाइट विश्वभर अवरुद्ध भए। सेवाहरू चलाउन नसकिँदा प्रयोगकर्ताले व्यापक समस्या भोगेका छन्।
नेपाल राष्ट्र बैंकले आजका लागि विदेशी मुद्राको नयाँ विनिमयदर सार्वजनिक गरेको छ। डलर, युरो र पाउण्डसहित प्रमुख मुद्राहरूको खरिद र बिक्रीदरमा सामान्य उतारचढाव देखिएको छ।
कतार पठाइदिने भन्दै १९ लाख ठगी गरेको आरोपमा महोत्तरीका एक व्यक्ति पक्राउ परेका छन्। लामो समयसम्म झुक्यानमा पारेर विदेश नपठाई सम्पर्कविहीन भएको आरोपपछि प्रहरीले उनलाई नियन्त्रणमा लिएको हो।
अर्थमन्त्री रामेश्वर खनालले विश्वासमा आधारित प्रणाली बनेपछि राजश्व अनुसन्धान विभागजस्ता निकाय आवश्यक नपर्ने बताएका छन्। उनले साढे तीन महिना रहेको कार्यकालमा आर्थिक सुधारका संरचनात्मक काममा आफू केन्द्रित रहने बताए।
२५औं समर डेफलिम्पिक्समा सहभागी हुन नेपाली टोली २८ कात्तिकमा टोकियो प्रस्थान गरेको छ। ६ खेलमा १० खेलाडी प्रतिस्पर्धा गर्ने छन् भने खेलाडी तथा अधिकारीलाई राखेप र मन्त्रालयका प्रतिनिधिले बिदाइ गरे।
