आवाज बिहिनहरुको आवाज
राष्ट्रिय प्रजातन्त्र पार्टीले राजतन्त्र र हिन्दू राष्ट्रको पुनर्स्थापनाका लागि बल्खुमा विरोध प्रदर्शन गर्ने तयारी गरेको छ। पार्टी अध्यक्ष राजेन्द्र लिङ्देनसहित शीर्ष नेताहरूले स्थल निरीक्षण गरिसकेको र जनसहभागिता सहितको प्रदर्शनको तयारी अन्तिम चरणमा पुगेको छ।
बारबर्दिया नगरपालिकाका प्रमुख प्रशासकीय अधिकृत दीपक आचार्यलाई मदिरा सेवनपछि नगर प्रमुख र उप प्रमुखलाई अभद्र व्यवहार गरेको आरोपमा पक्राउ गरिएको छ। प्रहरीका अनुसार नगरपालिकाले अभद्र व्यवहारको मुद्दा अघि बढाउन माग गरेपछि उनलाई पुनः नियन्त्रणमा लिइएको हो।
राष्ट्रिय प्रजातन्त्र पार्टी (राप्रपा) का संस्थापक नेता तथा प्रतिनिधिसभाका सांसद दीपक बोहराको अन्त्येष्टि पशुपति आर्यघाटमा हिन्दू परम्परा अनुसार सम्पन्न भएको छ।
पश्चिमी वायुको प्रभावले कर्णाली, सुदूरपश्चिम, कोशी र गण्डकीका पहाडी क्षेत्रमा आंशिक बदली रहनेछ। कतिपय स्थानमा हल्का वर्षा र उच्च पहाडी तथा हिमाली क्षेत्रमा हल्का हिमपातको सम्भावना रहेकाले सतर्कता अपनाउन अनुरोध गरिएको छ।
बर्दीबासका किसानहरू गोलभेँडाको मूल्य गिरावटले चिन्तित छन्। भारतीय तरकारीको अतिक्रमण र निकासी प्रभावित हुँदा नेपाली उत्पादनले बजार पाउन नसकेको किसानहरूको गुनासो छ। उचित मूल्य नपाएपछि किसानहरू मारमा परेका छन्।
राप्रपाले चैत २६ गते बागमती प्रदेशस्तरीय प्रदर्शन र वैशाख ७ गते राजधानी केन्द्रित आन्दोलनको तयारी गर्न कार्यकर्तालाई अपिल गरेको छ। साथै, तीनकुने घटनामा पूर्वराजा ज्ञानेन्द्र शाहलाई जबरजस्ती विवादमा तानिएकोप्रति असन्तुष्टि जनाएको छ।
काठमाडौँको तीनकुनेमा पूर्वराजाको समर्थनमा भएको हिंसात्मक प्रदर्शनमा संलग्न भएको आरोपमा १११ जना पक्राउ परेका छन्। तोडफोड, आगजनी, लुटपाटमा संलग्न रहेका प्रदर्शनकारी पक्राउ परेका छन् भने दुई जनाको मृत्यु भएको छ।
काठमाडौं उपत्यकाको असामान्य सुरक्षा परिस्थितिका कारण रत्नराज्यलक्ष्मी क्याम्पसको स्ववियु निर्वाचन स्थगित भएको छ। क्याम्पस प्रमुख पद्म कुमार अधिकारीले सर्वदलीय बैठक राखी नयाँ मिति तोकिने जानकारी दिएका छन्।
समाजवादी मोर्चा नेपालले प्रदर्शनका नाममा सार्वजनिक तथा निजी सम्पत्तिमाथि आक्रमण गर्ने तत्वलाई कडा कारबाहीको माग गरेको छ। सरकारलाई नागरिकको सुरक्षा सुनिश्चित गर्न आग्रह गर्दै मोर्चाले अराजक गतिविधिको भर्त्सना गरेको छ।
काठमाडौँको बानेश्वर–तीनकुने क्षेत्रमा जारी कर्फ्यूबीच हवाई यात्रुलाई सहज पार्न प्रशासनले टिकट र परिचयपत्रका आधारमा आवागमनको अनुमति दिने निर्णय गरेको छ। सुरक्षाकर्मीमार्फत यात्रुहरूको सहजीकरण गरिने बताइएको छ।
