आवाज बिहिनहरुको आवाज
अविरल वर्षाका कारण देशभरका मुख्य राजमार्ग अवरुद्ध भएका छन् ।सडक विभागका अनुसार अहिले चतरा–मुलघाट–माझीटार–अमरापुरडाँडा–गणेशचोक सडक खण्डको चतरा पुलदेखि बराह क्षेत्रसम्म जाने सडक अवरुद्ध रहेको छ । यो तमोर करिडोर अन्तर्गतको सडक हो ।
गृह मन्त्रालयले पाँच जिल्लामा प्रमुख जिल्ला अधिकारी ९ सिडिओको हेरफेर गरेको छ । मंगलबार साँझ गृहले काठमाडौं, सिन्धुपाल्चोक, सिन्धुली, प्युठान र अर्घाखाँचीमा सिडिओ हेरफेर गरेका हो ।
बाढीले पुल भत्काउँदा जाजरकोटको शिवालय गाउँपालिका–६ स्थित खडकदेवी माध्यमिक विद्यालय टुनीबगरको पठनपाठन बन्द छ । खोला तर्न नसक्दा विद्यार्थीहरू विगत नौ दिनदेखि विद्यालय जान पाएका छैनन् ।
बैतडीमा हैजाको जोखिम बढ्दै गएकाले यहाँका खानेपानीको नमूना सङ्कलन गरिएको छ ।
देशका विभिन्न ठाउँमा हैजा फैलिएपछि यहाँबाट पनि खानेपानीको नमूना सङ्कलन गरिएको छ । विभिन्न ब्राण्डका खानेपानीमै हैजाका किटाणु देखिन थालेपछि विभागको निर्देशनअनुसार खानेपानीको नमूना सङ्कलन गरिएको खाद्य प्रविधि तथा गुण नियन्त्रण डिभिजन कार्यालय बैतडीका प्रमुख ललित कठायतले बताउनुभयो ।
डोटीमा शैलेश्वरी यातायातको बस दुर्घटना हुँदा १६ जना घाइते भएका छन्, जसमा एकको अवस्था गम्भीर छ। सबै घाइतेलाई सुजङ अस्पतालमा उपचारका लागि पठाइएको छ।
मौसम पूर्वानुमान विभागले देशका विभिन्न जिल्लामा रहेका नदीहरूमा पानीको बहाव बढेकाले उच्च सतर्कता अपनाउन अनुरोध गरेको छ। विष्णुमती, मेलम्ची, बागमती लगायतका नदीहरूमा आकस्मिक बहावको सम्भावना रहेको छ।
मौसम पूर्वानुमान महाशाखाले देशभर मनसुनी वायुको प्रभाव रहेको जनाएको छ। कोशी, मधेश, बागमती, गण्डकी, लुम्बिनी र सुदूरपश्चिम प्रदेशका धेरै स्थानमा भारी वर्षाको सम्भावना रहेकाले सतर्कता अपनाउन आग्रह गरिएको छ।
टीकापुरका विभिन्न सार्वजनिक स्थानहरूमा स्तनपानकक्षको अभावले आमा र बच्चालाई ठूलो असुविधा हुँदै आएको छ। यी स्थानमा स्तनपानकक्षको व्यवस्था नभएकाले सेवाग्राही महिलाहरूले बच्चालाई सहज रूपमा दूध खुवाउन नपाउँदा अप्ठ्यारोमा पर्ने गरेका छन्। स्वास्थ्य तथा पोषण विज्ञहरूका अनुसार आमाको दूध शिशुका लागि अत्यन्त महत्वपूर्ण मानिन्छ।
देशभर २ हजारभन्दा बढी डेंगुका बिरामी संक्रमित भेटिएका छन् ।
स्वास्थ्य मन्त्रालय अन्तर्गतको इपिडिमियोलोजी तथा रोग नियन्त्रण महाशाखाका किटाणु नियन्त्रण रोग प्रमुख डा गोकर्णप्रसाद दाहालले ७३ जिल्लाका दुई हजार ६१ जनामा डेंगुको संक्रमण देखिएको बताए ।
हाल देशभर मनसुनी वायुको प्रभाव रहेको तथा मनसुनको न्यून चापीय रेखा सरदर स्थानको आसपास अवस्थित रहेको जल तथा मौसम विज्ञान विभागले जनाएको छ ।
