आवाज बिहिनहरुको आवाज
मौसम पूर्वानुमान महाशाखाले देशभर मनसुनी वायुको प्रभाव रहेको जनाएको छ। कोशी, मधेश, बागमती, गण्डकी, लुम्बिनी र सुदूरपश्चिम प्रदेशका धेरै स्थानमा भारी वर्षाको सम्भावना रहेकाले सतर्कता अपनाउन आग्रह गरिएको छ।
अविरल वर्षाका कारण गत जेठ २८ गतेदेखि देशका विभिन्न स्थानमा आएको बाढी, पहिरोलगायतका विपद्मा परी मधेशका ६ जनासहित हिजो शनिबारसम्म एक सय ५० जनाको मृत्यु भएको छ।
देशभर २ हजारभन्दा बढी डेंगुका बिरामी संक्रमित भेटिएका छन् ।
स्वास्थ्य मन्त्रालय अन्तर्गतको इपिडिमियोलोजी तथा रोग नियन्त्रण महाशाखाका किटाणु नियन्त्रण रोग प्रमुख डा गोकर्णप्रसाद दाहालले ७३ जिल्लाका दुई हजार ६१ जनामा डेंगुको संक्रमण देखिएको बताए ।
हाल देशभर मनसुनी वायुको प्रभाव रहेको तथा मनसुनको न्यून चापीय रेखा सरदर स्थानको आसपास अवस्थित रहेको जल तथा मौसम विज्ञान विभागले जनाएको छ ।
देशभर मनसुनी वायुको प्रभाव रहने हुनाले आंशिक देखि साधारणतया बदली रहेको छ । बागमती, गण्डकी, लुम्बिनी र सुदूरपश्चिम प्रदेशका केही स्थानहरूमा तथा बाँकी प्रदेशका एक दुई स्थानमा हल्का देखि मध्यम वर्षा भइरहेको छ ।
कांग्रेसमा संस्थापन पक्ष र इतरपक्षबीच प्रदेशका मन्त्री छनोटका बिषयमा असन्तुष्टि बढेको छ । संघ सरकारको मन्त्री छनोट गर्दा कांग्रेस सभापति शेरबहादुर देउवाले इतर पक्षलाई समेटे पनि प्रदेशहरुमा आफू खुसी निर्णय गरेको भन्दै इतरपक्षका नेताहरुले आपत्ति जनाएका छन् ।
अविरल वर्षाले नेपालमा बाढीपहिरोको कारण १३४ जनाको मृत्यु भएको छ भने १४८ जना घाइते भएका छन्। विभिन्न प्रदेशमा ठूलो क्षति भएको छ।
हेटौंडा, वागमती प्रदेशमा कांग्रेसको तर्फबाट सरकारमा सहभागी तीनजना मन्त्रीले शपथग्रहण गरेका छन्। कांग्रेसबाट कुन्दनराज काफ्ले, श्याम खड्का, र मधुकुमार श्रेष्ठ बिना विभागीय मन्त्रीको रूपमा शपथ लिएका हुन्।
लुम्बिनीका मुख्यमन्त्री चेतनारायण आचार्यले आज बुधबार प्रदेश प्रमुखको कार्यालय बुटवलमा सपथ लिएका छन्। एमाले संसदीय दलका नेता लिला गिरि अनुपस्थित रहे।
सिद्धार्थ राजमार्गअन्तर्गत बुटवल-पाल्पा सडकखण्डमा आजदेखि अनिश्चितकालसम्म राति सवारी साधन चलाउन रोक लगाइएको छ। स्थानीय प्रशासनले सडक भासिएको भन्दै यो निर्णय लिएको हो।
