आवाज बिहिनहरुको आवाज
हरिवनमा नेपाल नेत्र ज्योति संघद्वारा सञ्चालित निःशुल्क शिविरमा ९१ वर्षीय नरबहादुर खड्कालगायत १७५ जनाले आँखाको ज्योति पुनः प्राप्त गरेका छन्। शिविरमा १,०३७ जनाले परीक्षण गराएका थिए भने २७० जना मोतियाविन्दुका बिरामी पहिचान भएका थिए।
सर्लाहीको हरिवन नगरपालिका-८ स्थित इन्दु शंकर चिनी उद्योगले उखु किसानहरूलाई समयमै भुक्तानी गर्दै आएको छ। चालु सिजनको क्रसिङ पुस पहिलो साताबाट सुरु गरेको उद्योगले माघ ३० गतेसम्म करिब २३ लाख ४३ हजार क्विन्टल उखु प्रशोधन गरिसकेको छ।
नवलपरासी पूर्व (नवलपुर) मा पाठेघरको मुखको क्यान्सर विरुद्धको एचपीभी खोप अभियान सफलतापूर्वक सम्पन्न भएको छ। ९६.१८ प्रतिशत बालिकाहरूलाई खोप दिइएको छ भने जिल्लाभर ३२० खोप केन्द्र सञ्चालन गरिएको थियो।
७५औँ राष्ट्रिय प्रजातन्त्र दिवस सर्लाहीमा विविध कार्यक्रमसहित मनाइयो। प्रभातफेरी, झण्डोत्तोलन, रक्तदान तथा क्रिकेट प्रतियोगिता आयोजना गरियो भने साँझ दीप प्रज्वलन गरिनेछ।
सर्लाही जिल्लाका २० स्थानीय तहमध्ये कार्यसम्पादन मूल्यांकनमा ईश्वरपुर नगरपालिका पहिलो भएको छ। राष्ट्रिय प्राकृतिक स्रोत तथा वित्त आयोगले सार्वजनिक गरेको प्रतिवेदनअनुसार ईश्वरपुरले ५६.३ अंक प्राप्त गरेको छ।
‘लिटिल बुद्ध’ भनेर चिनिने रामबहादुर बम्जनविरुद्ध करिब ८ करोड ५९ लाख रुपैयाँ बिगो दाबी गर्दै सम्पत्ति शुद्धीकरण मुद्दा दायर गरिएको छ।
बाराको कलैया उपमहानगरपालिका–१ स्थित नवजन्म पुनःस्थापना (सुधार) केन्द्रमा कुटपिटबाट ३२ वर्षीय प्रदीपप्रसाद मण्डलको मृत्यु भएको घटनाका दोषीहरूलाई कानुनी कारबाहीको दायरामा ल्याउन पीडित परिवारले माग गरेको छ।
प्रधानमन्त्री केपी शर्मा ओली सोमबार लुम्बिनी प्रदेश सभामा विशेष सम्बोधन गर्नुहुनेछ। त्यसपछि दाङको घोराहीमा आयोजना हुने एमालेको जनसभामा ५० हजारभन्दा बढीको उपस्थिति रहने अनुमान गरिएको छ।
हेटौँडा–काठमाडौँ जोड्ने फाखेल–मातातीर्थ सडक मर्मत तथा स्तरोन्नति कार्यका लागि फागुन ५ देखि चैत २१ गतेसम्म पूर्ण रूपमा बन्द रहनेछ। वैकल्पिक मार्ग प्रयोग गर्न अनुरोध छ।
आज देशभर पश्चिमी वायुको प्रभाव रहँदा कोशी, मधेश, बागमती र गण्डकी प्रदेशमा आंशिकदेखि साधारणतया बदली रहनेछ। हिमाली क्षेत्रमा हल्का हिमपातको सम्भावना रहेको छ भने तराईका केही भागमा हुस्सु-कुहिरो लाग्न सक्छ। मौसमले दैनिक जनजीवनमा प्रभाव पार्न सक्ने भएकाले आवश्यक सतर्कता अपनाउन अनुरोध छ।
