आवाज बिहिनहरुको आवाज
नेपाल सरकारले धान बालीका लागि मल आपूर्ति सहज बनाउन ३० हजार टन युरिया मल आयातका लागि टेन्डर आह्वान गरेको छ। किसानहरूलाई मल अभाव हुन नदिन समयमै खरिद प्रक्रिया अघि बढाइएको कृषि सामग्री कम्पनीले जनाएको छ।
काठमाडौं ट्राफिक प्रहरीले हराएका १८ मोटरसाइकल र ८ स्कुटर फेला पारेर धनीलाई हस्तान्तरण गरेको छ।
गृहमन्त्री रमेश लेखकले शिक्षा ऐन छिट्टै लागू हुने बताउँदै निजी विद्यालयको सुरक्षा सरकारको प्राथमिकता रहेको स्पष्ट पार्नुभयो।
बूढानीलकण्ठ–३ मा अनलाइन जुवा खेलाइरहेको अवस्थामा २३ भारतीय नागरिक पक्राउ, ८८ मोबाइल, १० ल्यापटप, र नगद बरामद। प्रहरीले अनुसन्धान अघि बढाउँदै।
प्रतिनिधिसभाले सुरक्षित कारोबार (पहिलो संशोधन) विधेयक, २०८१ सर्वसम्मत पारित गरेको छ, जसले चल सम्पत्तिको धितोमा हुने कारोबारलाई सुरक्षित, व्यवस्थित, र पारदर्शी बनाउनेछ।
स्थानीय बजारमा आज सोमबार सुनको मूल्य बढेर प्रतितोला १,६९,६०० रुपैयाँ पुगेको छ। अघिल्लो दिन १,६८,२०० रुपैयाँ मा कारोबार भएको सुन आज १,४०० रुपैयाँ बढेको हो।
हाल देशमा पश्चिमी वायुको सामान्य प्रभाव रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। कोशी प्रदेश, लुम्बिनी प्रदेशसहित पहाडी भू-भागमा आंशिक बदली रहे पनि अन्य क्षेत्रको मौसम मुख्यतः सफा रहेको छ।
इन्दु शङ्कर चिनी उद्योगले उन्नत जातको उखु उत्पादन गरेका ४७ जना किसानलाई सम्मान गरेको छ।
भ्रष्टाचार नियन्त्रणका लागि स्थापित अख्तियार दुरुपयोग अनुसन्धान आयोग आजदेखि ३४औँ वर्षमा प्रवेश गरेको छ। संविधानको धारा २३९ अनुसार, सार्वजनिक पदधारीको भ्रष्टाचार अनुसन्धान र कारबाही गर्न अख्तियारलाई संवैधानिक अधिकार प्राप्त छ।
बाजुराका अधिकांश गाउँमा महिनावारी भएका महिलाहरूलाई मठमन्दिर नजिकका बाटो हिँड्नसमेत रोक लगाइन्छ। छाउप्रथा उन्मूलनका प्रयास भए पनि सामाजिक परम्पराले महिलाहरू अझै विभेदको शिकार बनिरहेका छन्।
