आवाज बिहिनहरुको आवाज
कर्णाली प्रदेशको महत्वपूर्ण आयोजना भेरी करिडोर सडक स्तरोन्नतिका लागि अर्थ मन्त्रालयले ४ अर्ब २० करोड बजेट सुनिश्चित गरेको छ। जाजरकोटको तल्लुदेखि डोल्पाको त्रिपुराकोटसम्म सडक सुधार गरिनेछ भने पुल निर्माणका लागि पनि बजेटको तयारी भइरहेको छ।
नवलपुरमा ३७ किमी सडक कालोपत्र र तीन ठूला मोटरेबल पुलको सफल निर्माण सम्पन्न भएको छ। पूर्वाधार विकास कार्यालयले गोडारखोलामा निर्माण सम्पन्न गरेको पुलले स्थानीयवासीको दैनिकी सहज बनाएको छ।
चितवन, इच्छाकामना गाउँपालिका-५ मा नारायणगढ-मुग्लिन सडकखण्ड अन्तर्गत पुल निर्माणका लागि पहाड काट्ने क्रममा पहिरो खस्दा एक्स्काभेटर पुरिँदा एक जनाको मृत्यु भएको छ। दुर्घटनामा बर्दिया गेडुवा गाउँपालिका-४ का ३८ वर्षीय चालक मंगल चौधरीको निधन भएको छ भने सोही स्थानमा एउटा ट्रकमा पनि सामान्य क्षति भएको छ।
