आवाज बिहिनहरुको आवाज
भ्रष्टाचारको अन्त्य र सुशासनको माग गर्दै उठेको जेनजी आन्दोलनले तत्कालीन सरकार ढाले पनि नेताहरूको शैली र सोचमा परिवर्तन आएको छैन। आन्दोलनपछि पनि राजनीतिक दलहरू आफ्नै स्वार्थ र शक्ति केन्द्रित राजनीतिमा तल्लीन देखिएका छन्।
सप्तरीमा प्रहरीले स्रोत नखुलेको २३ लाख रुपैयाँसहित दुई युवालाई पक्राउ गरेको छ। उनीहरू सवार पिकअप गाडीबाट विभिन्न इलेक्ट्रोनिक सामग्रीसमेत बरामद भएको प्रहरीले जनाएको छ।
अविरल वर्षाका कारण काभ्रेको विभिन्न स्थानमा पहिरो र लेदो खसेपछि बीपी राजमार्ग दुबै तर्फ अवरुद्ध भएको छ। प्रहरीका अनुसार सडक सुचारु गर्न समय लाग्ने भएकाले यात्रुहरूलाई वैकल्पिक मार्ग प्रयोग गर्न अनुरोध गरिएको छ।
नेकपा एकीकृत समाजवादीभित्र माओवादीसँग हुने भनिएको एकता प्रक्रियाविरुद्ध नेताहरूले तीव्र असहमति जनाएका छन्। झलनाथ खनाल र घनश्याम भूसाललगायत नेताहरूले पार्टीलाई ‘विसर्जन’ हुन नदिन एकता तत्काल रोक्न आग्रह गर्दै अध्यक्ष माधवकुमार नेपालको राजीनामा माग गरेका छन्।
भारतका मुम्बई, दिल्ली र बिहारका विभिन्न स्थानबाट उद्धार गरिएका १६ जना नेपाली बालबालिकालाई जनकपुरधाममा अभिभावकको जिम्मा लगाइएको छ। बालअधिकार संरक्षण र मानव तस्करीविरुद्धको संयुक्त प्रयासको यो सकारात्मक उदाहरण हो।
प्रधानमन्त्री सुशीला कार्की र नेपालका लागि जर्मनीका राजदूत उडो भोल्जबीच कूटनीतिक शिष्टाचार भेट भएको छ। भेटमा द्विपक्षीय सम्बन्ध सुदृढीकरण, सहयोग विस्तार तथा राहदानी छपाइमा जर्मन कम्पनीको भूमिकाबारे चर्चा भएको थियो।
मोन्था चक्रवातको प्रभावका कारण सिन्धुली–काठमाडौँ बीपी राजमार्ग राति बन्द गरिएको छ। प्रशासनले मानवीय र भौतिक क्षति न्यूनीकरणको लागि सवारी साधन रोक्न आग्रह गरेको छ।
मधेस प्रदेशका महोत्तरीसहितका जिल्लामा आज कुष्माण्ड नवमी पर्व मनाइँदैछ। पर्वमा अमलाको प्रयोग गरी स्वास्थ्य र सांस्कृतिक परम्परा एकसाथ जगेर्ना गर्ने परम्परा छ।
बंगालको खाडीमा विकसित ‘मोन्था’ चक्रवात नेपाल प्रवेश गर्दैछ। कोशी र मधेस प्रदेशमा भारी वर्षा, पहिरो र नदी सतह वृद्धि हुने सम्भावना छ।
सर्लाहीको हरिवनमा प्रेम विवाह गरेर भागेका जोडीलाई नियन्त्रणमा लिन माग गर्दै स्थानीयले पूर्वपश्चिम राजमार्ग आधा घण्टा अवरुद्ध पारेका छन्। प्रहरीको पहलपछि राजमार्ग पुनः सुचारु भएको छ।
