आवाज बिहिनहरुको आवाज
धार्मिक र समाजसेवी गतिविधिका आवरणमा टिकटकमार्फत युवाको जमात बटुलेर गुण्डागर्दी फैलाएको आरोपमा चक्रे मिलन उर्फ मिलन गुरुङ फेरि प्रहरी हिरासतमा परेका छन्। प्रहरीका अनुसार समाजमा त्रास फैलाउने उद्देश्यले उनले युवाहरूलाई प्रयोग गरिरहेका थिए।
धनुषा जिल्ला अदालतले नागरिकतासम्बन्धी मुद्दामा कान्तिपुर मिडिया समूहका अध्यक्ष कैलाश सिरोहियालाई थप तीन दिन थुनामा राख्न आदेश दिएको छ। न्यायाधीश यदुराज शर्माको इजलासले सिरोहियालाई अनुसन्धानका लागि थुनामा राख्न सरकारी वकिल कार्यालयको मागलाई स्वीकार गरेको हो। सिरोहियालाई गत मंगलबार काठमाडौंस्थित कान्तिपुर कार्यालयबाट पक्राउ गरी बुधबार अदालतमा पेश गरिएको थियो। उनका मुटुको चालमा गडबडी र उच्च रक्तचाप देखिएपछि जनकपुरको काव्या अस्पतालमा भर्ना गरिएको छ। अदालतले उनलाई पुनः थुनामा राख्न आदेश दिएसँगै नागरिकतासम्बन्धी मुद्दामा थप अनुसन्धान हुने भएको छ।
कान्तिपुर मिडिया ग्रुपका अध्यक्ष कैलाश सिरोहिया चार दिनदेखि प्रहरी हिरासतमा रहँदा स्वास्थ्यमा समस्या देखिएपछि जनकपुरस्थित काव्या अस्पतालमा भर्ना गरिएका छन्। उच्च रक्तचाप, मुटुको चालमा उतारचढाव, र टाउको दुखाइका कारण उनलाई गम्भीर अवस्था भएपछि अस्पताल सारिएको हो। चिकित्सकहरू उनको स्वास्थ्य परीक्षण गर्दै नियमित रुपमा उपचार गरिरहेका छन्।
