आवाज बिहिनहरुको आवाज
काभ्रेपलान्चोक जिल्लाको अरनिको राजमार्ग अन्तर्गत ५२ किलोमा बस र स्कुटर ओभरटेक गर्ने क्रममा ठोक्किएर दुर्घटना भएको छ। सुरक्षाकर्मी र स्थानीय बासिन्दाहरू उद्दार कार्यमा जुटेका छन् भने घाइतेहरूको अवस्थाबारे थप जानकारी आउन बाँकी छ।
मुगु जिल्लामा परेको भारी हिमपातले कर्णाली लोकमार्गअन्तर्गत नाग्म–गमगढी सडक अवरुद्ध भएको छ। दर्जनौँ सवारीसाधनहरू घुच्चीलेक क्षेत्रमा अलपत्र परेका छन् भने यात्रुहरू कठिनाइमा परेका छन्। प्रशासनले एक्स्काभेटर प्रयोग गरी हिउँ पन्छाउने कार्य गरिरहेको छ।
नेपालमा पश्चिमी न्यून चापीय प्रणालीको प्रभावका कारण सुदूरपश्चिम, कर्णाली, गण्डकी तथा बागमती प्रदेशका केही स्थानहरूमा हल्का वर्षा तथा उच्च पहाडी क्षेत्रमा हिमपातको सम्भावना रहेको छ। मौसम महाशाखाले यातायात तथा जनजीवनमा असर पर्ने भएकाले सतर्कता अपनाउन आग्रह गरेको छ।
अमेरिकी डलरको विनिमय दर हालसम्मकै उच्च बिन्दुमा पुगेपछि नेपाली अर्थतन्त्रमा प्रत्यक्ष प्रभाव पर्ने देखिएको छ। नेपाली बजारमा आयात महँगो हुने भए पनि विदेशबाट आउने विप्रेषण लाभदायक बन्ने अपेक्षा गरिएको छ।
काठमाडौंका विभिन्न क्षेत्रमा आज नेपाल विद्युत प्राधिकरणले कन्डक्टर क्षमता वृद्धि तथा मर्मत कार्यका लागि केही समयका लागि विद्युत कटौती गर्ने जनाएको छ। सतुंगल, बलम्बु फिडर क्षेत्र र मूलपानी सबस्टेशनअन्तर्गत पर्ने स्थानहरूमा सेवा अवरुद्ध रहनेछ।
महाशिवरात्रिको अवसरमा प्रदर्शनमा आएको चलचित्र ‘लाज शरणम्’ ले दर्शकको उत्कृष्ट प्रतिक्रिया पाउँदै पहिलो दिनमै १ करोड १० लाख ग्रस कलेक्सन गर्न सफल भएको छ। समसामयिक कथामा आधारित व्यङ्ग्य चलचित्रलाई विशेष गरी सिताराम कट्टेल (धुर्मुस) को अभिनय र कर्णालीका सुन्दर दृश्यहरूले झन् मनमोहक बनाएका छन्।
राष्ट्रपति रामचन्द्र पौडेल पोखराको सराङकोटमा जारी श्रीमद्भागवत् ज्ञानमहायज्ञ एवम् धार्मिक पर्यटन महाउत्सव उद्घाटन गर्न आउँदै हुनुहुन्छ । उहाँले विभिन्न धार्मिक संरचनाहरूको उद्घाटन गर्नुका साथै महाउत्सवलाई सम्बोधन गर्नुहुनेछ ।
