आवाज बिहिनहरुको आवाज
गृह मन्त्री रमेश लेखकले सर्लाहीमा अन्तरजातीय विवाह गरेका सत्येन्द्र र नेहामा अत्याचार भएको समाचार असत्य भएको स्पष्ट पारे। उनले भने, “यदि कुनै त्रुटि देखिन्छ भने छानबिन गर्न तयार छु र उनीहरूको सुरक्षा सुनिश्चित गर्नेछु।”
प्रचण्डले आफ्नो नेतृत्वको सरकारले सुरु गरेका भ्रष्टाचारका काण्डहरूको छानबिनमा अवरोध पारेकोमा असन्तोष जनाएका छन्। उनले प्रमुख भ्रष्टाचार घटनामा अनुसन्धान रोकिएको र जनता बीच असन्तोष फैलिएको उल्लेख गरे।
नेपाली कांग्रेसका सांसद गगन थापाले जाजरकोट भूकम्प र असोजको बाढीको पुनर्निर्माणमा सरकारको उदासीनता र अव्यवस्थाको आलोचना गरेका छन्।
झापामा भूमि समस्या समाधान आयोगको कार्यालय स्थापना भए तापनि सदस्यहरूको नियुक्ति र कर्मचारी व्यवस्थापन पूरा नगरी काम सुरु गर्न नसकेको आयोगले जनाएको छ।
नेपाल राष्ट्र बैंकका गभर्नर महाप्रसाद अधिकारीले बाँसको प्रयोगलाई हरित अर्थतन्त्रको प्रवर्द्धन र वातावरणमैत्री समाज निर्माणमा महत्वपूर्ण ठान्दै आगामी फागुनमा हुने ‘प्रथम राष्ट्रिय बाँस सम्मेलन’को सफलताका लागि सहयोग गर्ने प्रतिबद्धता जनाए।
संघीय संसद्मा सरकारले ल्याएका ६ वटा अध्यादेशहरू आज निर्णयार्थ प्रस्तुत नहुने भएका छन्। राष्ट्रियसभामा जसपा नेपालसँगको छलफल बाँकी रहेकाले सरकार पछि हटेको हो।
ढाकामा बुधबार राति प्रदर्शनकारीहरूले शेख मुजिबर रहमानको घरमा तोडफोड र आगजनी गरेका छन्। यसरी मच्चिएको हिंसासँगै शेख हसिनाले इतिहास मेट्न नसकिने चेतावनी दिएकी छन्।
धनगढीको नोभा हस्पिटलमा एक बिरामी कुरुवा शौचालयमा मृत अवस्थामा फेला परेका छन्। घटनाबारे अनुसन्धान भइरहेको छ र शव परीक्षणका लागि सेती प्रादेशिक अस्पतालमा राखिएको छ।
नेपाली बजारमा आज सुन र चाँदीको मूल्यमा वृद्धि भएको छ। तीन दिनमा सुनको मूल्य प्रतितोला पाँच हजार सात सय रूपैयाँ बढेको छ भने चाँदीको मूल्य पनि केही वृद्धि भएको छ।
सोलुखुम्बु जिल्लाको तिङ्ला क्षेत्रमा निर्माणाधीन ८२ मेगावाट क्षमताको तल्लो सोलुखोला हाइड्रोपावर आयोजना अब अन्तिम चरणमा पुगेको छ। यो आयोजनाले आगामी भदौ महिनामा व्यावसायिक उत्पादन शुरु गर्ने लक्ष्य राखेको छ।
