आवाज बिहिनहरुको आवाज
नेपाल सरकारले एकैपटक ५ वटा अध्यादेश जारी गर्न राष्ट्रपति रामचन्द्र पौडेलसमक्ष सिफारिस गरेको छ। मन्त्रिपरिषद्को बैठकले सुशासन, आर्थिक सुधार, लगानी प्रवर्द्धन, वित्तीय उत्तरदायित्व र भूमि व्यवस्थापनसम्बन्धी अध्यादेशहरू जारी गर्ने निर्णय गरेको हो।
मलेसियामा जारी यु-१९ महिला टी-२० विश्वकपको अभ्यास खेलमा नेपाल वेष्ट इन्डिजसँग ९ रनले पराजित भएको छ। वेष्ट इन्डिजले दिएको ११० रनको लक्ष्य पछ्याउने क्रममा नेपाल १०० रनमै समेटियो। नेपालले अब दोस्रो अभ्यास खेल अमेरिकासँग माघ २ गते खेल्नेछ।
परराष्ट्रमन्त्री आरजु राणा देउवाले हमासको नियन्त्रणमा रहेका नेपाली विद्यार्थी विपिन जोशी सकुशल रहेको र चाँडै फिर्ता आउने विश्वास व्यक्त गरेकी छन्। उनले विपिनको रिहाइका लागि नेपाल सरकारले कूटनीतिक पहल गरिरहेको बताइन्।
विराटनगरबाट अवैध लागुऔषधसहित ४ जनालाई आइतबार प्रहरीले पक्राउ गरेको छ । पक्राउ पर्नेमा सुन्दरहरैचा नगरपालिका–७ का २२ वर्षीय विवश राई, २७ वर्षीय निरज चौधरी, विराटनगर–८ का २७ वर्षीय निर्दोष शिवाकोटी र विराटनगर–६ का २८ वर्षीय आषिश गिरी रहेका छन् ।
