आवाज बिहिनहरुको आवाज
असार २४ गतेको बाढीले अवरुद्ध बनाएको स्याफ्रुबेँसी–रसुवागढी सडक खण्ड आज साउन ४ गतेदेखि पुनः एकतर्फी रूपमा सञ्चालनमा आएको छ। सुरक्षाका मापदण्ड पालना गर्दै हाल हलुका सवारीलाई अनुमति दिइएको छ भने क्रमिक रूपमा मालवाहक सवारी पनि सञ्चालनमा ल्याइने बताइएको छ।
सिरहामा लागुऔषध र स्रोत नखुलेको ठूलो रकमसहित पाँच जना पक्राउ परेका छन्। पक्राउ पर्नेहरूमा दाजुबहिनी, एक हुण्डी कारोबारी र दुई युवाहरू छन्, जसको साथबाट ब्राउन सुगर, लाखौँ नगद, मोबाइल र डिजिटल तराजु समेत बरामद भएको छ।
बूढानीलकण्ठ–३ मा अनलाइन जुवा खेलाइरहेको अवस्थामा २३ भारतीय नागरिक पक्राउ, ८८ मोबाइल, १० ल्यापटप, र नगद बरामद। प्रहरीले अनुसन्धान अघि बढाउँदै।
