दीपकराज गिरी

निर्माता तथा अभिनेता दीपकराज गिरीले “छक्का पञ्जा ५” निर्माणको घोषणा गरेका छन्। सामाजिक सञ्जालमार्फत सार्वजनिक गरिएको पोस्टरमा दीपकराज गिरी र अभिनेत्री बर्षा सिवाकोटी देखिएका छन्, साथमा केदार घिमिरे ‘माग्नेबुढा’ छाता बोकेर उभिएका छन्। पोस्टरले फिल्मको राजसी ठाँटको झल्को दिन्छ, जहाँ गिरी राजा र सिवाकोटी रानीको भूमिकामा देखिनेछन्। चलचित्र असोज २४ गते प्रदर्शन गरिनेछ, जसको निर्देशन दीपाश्री निरौलाले गर्नेछिन्। चलचित्रलाई आइएमइ समूहले साथ दिएको छ।