दुर्घटना

प्रदेश स्वास्थ्यमन्त्री विना गोरेजले केही समयपछि क्षतिको यकिन विवरण दिन सकिने प्रतिक्रिया दिएकी छन् । उनले १२५ जना घाइतेको उपचार भइरहेको र २५० जनाको उद्दार गरिएको बताएकी छन्।स्थानीयले फरकफरक स्थानमा कम्तीमा तीन ठूला पहिरो गएको बताएका छन् । अहिले पनि त्यहाँ लेदो, ढुङ्गामाटो बगिरहेको छ । भारी वर्षाका कारण केरलाका १० जिल्लाका विद्यालय तथा कलेज बन्द गरिएको छ । भारत सरकारले पहिरोमा ज्यान गुमाएकाहरूको परिवारलाई २ लाख र घाइतेहरूको लागि ५० हजार राहत घोषणा गरेको छ ।

सञ्चार तथा सूचना प्रविधिमन्त्री पृथ्वीसुब्बा गुरुङले समाजमा व्याप्त अन्धविश्वास, कुप्रथा, र रूढीवादी परम्पराको अन्त्यका लागि सरकारको प्रतिबद्धता व्यक्त गरेका छन्। एक कार्यक्रममा बोल्दै, उनले सबै प्रकारका विभेद र कुसंस्कारको अन्त्य गर्दै आधुनिक समाज निर्माणका निम्ति वर्तमान सरकार क्रियाशील रहेको बताए। मन्त्री गुरुङले ऐनकानुनको प्रभावकारी कार्यान्वयनमा जोड दिँदै, बोक्सी प्रथा, सति प्रथा, हलिया, छाउपडी, हरवाचरवा, र कम्लरी प्रथालाई पूर्ण रूपमा अन्त्य गर्नुपर्नेमा जोड दिए। उनले राजनीतिक रूपमा सङ्घीय लोकतान्त्रिक गणतन्त्रात्मक शासन व्यवस्थामा प्रवेश गरिसकेको भए पनि आर्थिक रूपमा मुलुक धेरै पछाडि रहेको औँल्याए। कार्यक्रमको अवसरमा बोक्सी प्रथामा आधारित चलचित्र ‘अग्निदहन’को पोष्टर पनि सार्वजनिक गरियो।

सिरहामा ५६ लाख रुपैयाँभन्दा बढी ठगी गरेको आरोपमा २७ वर्षीय इम्तियाज अहमद पक्राउ परेका छन्। उनले सामाजिक सञ्जालमार्फत विभिन्न व्यक्तिहरूसँग सम्पर्क गरी विदेशमा मृत व्यक्तिको बैंक खातामा रहेको रकमको उत्तराधिकारी बनाउने प्रलोभन देखाएर ठगी गरेको आरोप छ। उनलाई काठमाडौं उपत्यका अपराध अनुसन्धान कार्यालयले पक्राउ गरी काठमाडौं ल्याएको छ।

कथाकार गोपी मैनालीको नयाँ कथा संग्रह “विशृंखलित सपना” लोकार्पित भएको छ। नेपाल प्रज्ञा प्रतिष्ठानका पूर्वकुलपति वैरागी काइँलाले शनिबार आयोजित कार्यक्रममा पुस्तकको विमोचन गरे। समीक्षकहरूले मैनालीका कथालाई उच्च कोटिको बताउँदै मानवीय संवेदना र सामाजिक परिवेशलाई समेटेको उल्लेख गरेका छन्।