आवाज बिहिनहरुको आवाज
बुटवलको मिलनचोकमा रहेको डेल्टा कम्प्लेक्स बिहीबार साँझ करिब साढे ६ बजे लागेको आगलागीबाट पूर्णरुपमा क्षति भएको छ। १२ वटा दमकलले ५ घन्टापछि आगो नियन्त्रणमा लिए पनि कम्प्लेक्सका सबै तलामा रहेका सामान जलेर नष्ट भएका छन्। प्रहरीले विद्युत् सर्ट भएर आगलागी भएको आशंका गरेको छ। आगलागीका कारण बुटवलको मिलन चोकका २ पेट्रोल पम्प सहित दर्जनौ मानव बस्ती जोखिममा परेको थियो।
इपिडिमियोलोजी तथा रोग नियन्त्रण महाशाखाले दिएको पछिल्लो विवरणअनुसार काठमाण्डूमा करिब एक दर्जन व्यक्ति डेङ्गीबाट सङ्क्रमित भएका छन्। जलवायु परिवर्तनका कारण बढ्दो तापमानले काठमाण्डू उपत्यका र पहाडी भूभागसहित ४५ भन्दा बढी जिल्लामा डेङ्गी देखिएको छ। धरानमा डेङ्गीको प्रकोप फैलिएको छ। स्वास्थ्य मन्त्रालयले प्रमुख सरकारी अस्पताल, जिल्ला अस्पताल, र केही स्वास्थ्य चौकीमा डेङ्गी परीक्षणको सुविधा दिइरहेको छ। डेङ्गीबाट बच्न जनचेतना अभिवृद्धि, लामखुट्टेको जीवनचक्र नष्ट गर्ने, र सरसफाइमा ध्यान दिनुपर्ने छ।
सर्लाहीको बरहथवा नगरपालिकामा करेन्ट लागेर २१ वर्षीय अबोध ठाकुरको मृत्यु भएको छ। करेन्ट लागेर घाइते भएका उनका भाइ आनन्द ठाकुरको उपचार भइरहेको छ। घटनाको थप अनुसन्धान जारी छ।
पहिरोले अवरुद्ध बेँसीसहर–चामे सडक पूर्ण सञ्चालनमा आएको छ। अविरल वर्षाले यस सडकखण्डअन्तर्गत बेँसीसहर नगरपालिका– ६ खरखरे भिरमा गएको पहिरो हटाएसँगै सवारी सञ्चालनमा आएको हो।
प्रधानमन्त्री दाहालले प्रतिनिधिसभाको बैठकमा कैलालीको टिकापुर घटनामा दोषी ठहर भएकालाई कानुन अनुसार कारबाही हुने र थारु लगायत आर्थिक तथा सामाजिक रूपमा पछाडि परेका समुदायको सशक्तीकरणमा सरकार गम्भीर रहेको बताए। उनले बजेट निर्माण प्रक्रियामा सबै जनप्रतिनिधिको महत्वपूर्ण भूमिका रहेको र सम न्यायिक विकासका लागि संघीयता र गणतन्त्रको मार्गचित्र अनुसार बजेट तर्जुमा गरिएको प्रस्ट पारे।
धादिङको सिद्धलेक गाउँपालिका– २ नलाङ स्थित खिर्रेमा टाटा सुमो दुर्घटना हुँदा एकजनाको मृत्यु भएको छ भने एकजना घाइते भएका छन्। दुर्घटनामा नलाङ पोखरी गाउँका ५२ वर्षीय लोकबहादुर गुरुङको ज्यान गएको छ भने चालक ५५ वर्षीय जीवन श्रेष्ठको काठमाडौंस्थित ट्रमा सेन्टरमा उपचार भइरहेको छ।
सर्लाहीमा बस र भारतीय ट्रक ठोक्किँदा ४ जनाको मृत्यु भएको छ । पूर्व पश्चिम राजमार्ग अन्तर्गत सर्लाहीको बागमती न. पा. १ रायमाझी चोकमा पार्किङ गरी राखेको एन एल ०११ ए एस ९२५२ नम्वरको इन्डेन ट्रकलाई भैरहवा बाट जनकपुर तर्फ जादै गरेको लु १ ख ८८४८ नम्वरको बसले पछाडिबाट ठक्कर दिँदा दुर्घटना भएको हो । ट्रकमा सामान्य क्षेति भएको छ भने बस र बसमा सवार मानबिय क्षेति भने गम्भीर छ।
काठमाडौँ महानगरले न्युरोड क्षेत्रलाई सवारी निषेधित जोन बनाउन लागेको खबर त सुन्नु भएको होला? महानगरको उक्त योजनाको विरोधमा बुधवार स्थानीय तथा व्यापारीहरूले विरोधमा प्रदर्शन गरेका हुन् । न्युरोडलाई सवारी निषेधित क्षेत्र बनाउन लागिएको भन्दै स्थानीय र व्यापारीहरूले मिलेर प्रदर्शन गरेका हुन ।
युरो कपमा आज राति तीन खेल हुँदै छन् । आज हुने पहिलो खेलमा क्रोएसियाले अल्बानियाको सामना गर्नेछ ।
गायिका अस्मिता अधिकारी र गायक महेश काफ्लेले यूएईको दुबईमा इन्गेजमेन्ट गरेका छन्। उनीहरूले सामाजिक सञ्जालमा तस्वीर पोस्ट गर्दै जीवनको नयाँ अध्याय सुरु गरेको जानकारी दिएका छन्।
