आवाज बिहिनहरुको आवाज
गृहमन्त्री रमेश लेखकले भ्रष्टाचार नियन्त्रण गर्दै सुशासन कायम गर्न सरकार गम्भीर रहेको बताउनुभएको छ। बेलहियास्थित अध्यागमन कार्यालयको नवनिर्मित भवन उद्घाटन गर्दै उहाँले व्यवसायमैत्री वातावरण तयार पार्दै आर्थिक उन्नति सरकारको प्राथमिकता भएको उल्लेख गर्नुभयो।
जनकपुरधामस्थित मधेस प्रदेश भवनभित्र मधेस शहिद प्रतिष्ठानका सदस्य रामनरेश राय यादव मृत फेला परेका छन्। उनको मृत्युको कारण खुल्न नसके पनि अनुसन्धान भइरहेको प्रहरीले जनाएको छ।
संघीय संसद् अन्तर्गत आज दुई संसदीय समितिको बैठक बस्ने भएको छ।बिहान ११ बजे अर्थ समितिको बैठक बस्नेछ, जसमा भन्सार सम्बन्धी कानुनलाई संशोधन र एकीकरण गर्न बनेको विधेयकमाथि दफावार छलफल हुनेछ। बैठक अर्थ समितिको बैठक कक्षमा हुनेछ।
