आवाज बिहिनहरुको आवाज
महाशिवरात्रि २०८० लाई व्यवस्थित बनाउन पशुपति क्षेत्र विकास कोषले संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेको संयोजकत्वमा २०१ सदस्यीय समिति गठन गरेको छ। पशुपति क्षेत्रमा रङरोगन, भित्ते चित्र, बत्ती व्यवस्थापन, भिड नियन्त्रण लगायत तयारी तीव्र रूपमा अघि बढाइएको छ।
बागलुङ बजारदेखि सिगानासम्मको २४ वर्ष पुरानो सडक स्तरोन्नतिसँगै कालोपत्रे चरणमा पुगेको छ। रु २९ करोड लागतमा ८ किमी सडक स्तरोन्नति भइरहेको छ, जसले यात्रा छोट्याउँदै यातायात सहज बनाएको छ।
नेपालमा पश्चिमी वायुको आंशिक प्रभाव देखिएको छ। कोशी, गण्डकी र कर्णाली प्रदेशका पहाडी भेगमा आंशिक बदली छ भने उच्च पहाडी क्षेत्रमा हल्का हिमपातको सम्भावना छ। मध्य र पूर्वी तराईका भू-भागमा घना कुहिरो लाग्न सक्ने भएकाले सतर्कता अपनाउन मौसम विभागले आग्रह गरेको छ।
