बढ्यो हेलिकप्टरको भाडा, अब कहाँ जान कति लाग्छ ? (सुचीसहित)

काठमाण्डौः हेलिकप्टर कम्पनीहरुले हेलिकप्टर चार्टर गर्दा लिने भाडा बढाएका छन् ।
आगामी असोज १५ (अक्टोबर १) बाट लागू हुने गरी कम्पनीहरूले विभिन्न गन्तव्यका लागि भाडा बढाउने सहमति गरेका हुन् ।
हेलिकप्टर कम्पनीहरु एयर डाइनेष्टी, अल्टिट्युड, फिस्टेल, हेलि एयरभेष्ट, कैलास, मनाङ, प्रभु, श्री र सिम्रिक एयरका प्रतिनिधिले गत जेठ २१ गते गरेको सहमतिअनुसार काठमाडौँबाट हुने उडानसहित विभिन्न गन्तव्यको भाडा वृद्धि हुने भएको हो ।
सहमतिअनुसार काठमाडौँबाट हुने उडानसहित विभिन्न गन्तव्यको भाडामा ४ देखि ५ प्रतिशतसम्म वृद्धि भएको बताएका छन्।
भाडादरको सूचीअनुसार नेपालीहरूका लागि सबैभन्दा कम शुल्क काठमाडौँबाट गोसाइकुण्डको रहेको छ। यहाँ जानआउन दुईतर्फी यात्राका लागि डेढ लाख रूपैयाँ तिर्नुपर्छ। त्यस्तै सबैभन्दा बढी भाडा काठमाडौँ–दार्चुलाको १४ लाख रहेको छ।
कहाँ जान कति लाग्छ भाडा ?
काठमाडौँ-गोसाइँकुण्ड-काठमाडौँ : १ लाख ५० हजार रूपैयाँ।
काठमाडौँ-वीरगन्ज-काठमाडौँ : २ लाख २० हजार रूपैयाँ।
काठमाडौँ-जनकपुर-काठमाडौँ : ३ लाख रूपैयाँ।
काठमाडौँ-ओखलढुंगा-काठमाडौँ : २ लाख २० हजार रूपैयाँ।
काठमाडौँ-पोखरा-काठमाडौँ : ३ लाख ३० हजार रूपैयाँ।
काठमाडौँ-फाप्लु-काठमाडौँ : ३ लाख रूपैयाँ।
काठमाडौँ-खोटाङ-काठमाडौँ : ३ लाख रूपैयाँ।
काठमाडौँ-मुक्तिनाथ-काठमाडौँ : ५ लाख २५ हजार रूपैयाँ।
काठमाडौँ-धरान-काठमाडौँ : ४ लाख ४० हजार रूपैयाँ।
काठमाडौँ-भैरहवा/बुटवल-काठमाडौँ : ४ लाख २५ हजार रूपैयाँ।
काठमाडौँ-भोजपुर-काठमाडौँ : ३ लाख ९० हजार रूपैयाँ।
काठमाडौँ-ताप्लेजुङ-काठमाडौँ : ४ लाख ९० हजार रूपैयाँ।
काठमाडौँ-विराटनगर-काठमाडौँ : ४ लाख ८० हजार रूपैयाँ।
काठमाडौँ-पाथीभरा-काठमाडौँ : ५ लाख २५ हजार रूपैयाँ।
काठमाडौँ-दाङ-काठमाडौँ : ६ लाख २५ हजार रूपैयाँ।
काठमाडौँ-चन्द्रगढी-काठमाडौँ : ५ लाख ७५ हजार रूपैयाँ।
काठमाडौँ-नेपालगञ्ज-काठमाडौँ : ७ लाख ५० हजार रूपैयाँ।
काठमाडौँ-सुर्खेत-काठमाडौँ : ७ लाख ५० हजार रूपैयाँ।
काठमाडौँ-धनगढी-काठमाडौँ : ११ लाख रूपैयाँ।
काठमाडौँ-रारा-काठमाडौँ : ११ लाख रूपैयाँ।
काठमाडौँ-डडेलधुरा-काठमाडौँ : १२ लाख ७५ हजार रूपैयाँ।
काठमाडौँ-सिमीकोट-काठमाडौँ : १२ लाख ७५ रूपैयाँ।
त्यस्तै पर्यटकका लागि गरिने हिमाली क्षेत्रको उडानका लागि पनि भाडा बढेको छ। नयाँ भाडा अनुसार लुक्लाबाट सगरमाथा र मकालु क्षेत्र जानका लागि सबैभन्दा कम फाक्दिङका लागि ४०० डलर रहेको छ।
लुक्लाबाट सगरमाथा र मकालु क्षेत्रको भाडादर हेर्नुहोस्ः 

तपाइको प्रतिक्रिया राख्नुहोस्

Source link