हिमपात अपडेट

नेपालमा पश्चिमी न्यूनचापीय प्रणालीको प्रभाव देखिँदै, विभिन्न प्रदेशहरूमा आंशिकदेखि सामान्य बदली भएको छ। सुदूरपश्चिम, कर्णाली, र कोशी प्रदेशका उच्च पहाडी तथा हिमाली क्षेत्रमा हल्का हिमपातको सम्भावना रहेको छ भने केही स्थानहरूमा चट्याङ्गसहित हल्का वर्षा र हावाहुरीको सम्भावना रहेको छ। मौसम परिवर्तनले दैनिक जनजीवन, यातायात तथा स्वास्थ्य क्षेत्रमा असर पार्न सक्ने भएकाले सतर्कता अपनाउन मौसम पूर्वानुमान महाशाखाले आग्रह गरेको छ।