आवाज बिहिनहरुको आवाज
राष्ट्रपति रामचन्द्र पौडेलले राष्ट्र निर्माणको महाअभियानमा जुट्न सबैलाई अपिल गर्नुभएको छ। उहाँले युवा पलायन रोक्न, कृषि, पर्यटन, जलस्रोत, र पूर्वाधार विकासमा ध्यान दिनुपर्ने बताउनुभयो। पोखरालाई विश्वस्तरीय पर्यटन गन्तव्य बनाउन नीति निर्माताहरू, सरकारका तीन तह, र निजी क्षेत्रलाई समर्पित भएर लाग्न आग्रह गर्नुभयो।
राष्ट्रपति रामचन्द्र पौडेल पोखराको सराङकोटमा जारी श्रीमद्भागवत् ज्ञानमहायज्ञ एवम् धार्मिक पर्यटन महाउत्सव उद्घाटन गर्न आउँदै हुनुहुन्छ । उहाँले विभिन्न धार्मिक संरचनाहरूको उद्घाटन गर्नुका साथै महाउत्सवलाई सम्बोधन गर्नुहुनेछ ।
मधेश प्रदेशका मुख्यमन्त्री सतिशकुमार सिंहले टुटेश्वरनाथ महादेव मन्दिरलाई पर्यटकीयस्थलका रुपमा विकास गर्ने घोषणा गरेका छन्। धार्मिक, सांस्कृतिक, र ऐतिहासिक महत्वको यस मन्दिरको पूर्वाधार विकास गरेर आन्तरिक तथा बाह्य पर्यटक आकर्षित गर्न विशेष पहल गर्ने प्रतिबद्धता प्रकट गरेका छन्।
