आवाज बिहिनहरुको आवाज
काठमाडौँ उपत्यकाका नदी र खोलाको बहाव क्षेत्र निर्धारण गर्दै सर्वोच्च अदालतले बागमती नदीलाई ४० मिटर र अन्य सहायक नदीलाई २० मिटर बनाउने ऐतिहासिक फैसला गरेको छ। यस फैसलालाई कार्यान्वयन गर्न बागमती सभ्यता एकीकृत विकास समिति र काठमाडौँ महानगरपालिकाले तयारी गरिरहेका छन्।
प्रधानमन्त्री केपी शर्मा ओलीले काठमाडौँ–तराई/मधेस द्रूतमार्गको सुरुङ निर्माणलाई नेपालमा नयाँ युगको सुरुवात भनेका छन्। उहाँले द्रुतमार्गलाई विकासको नमुना बताउँदै परियोजना समयमै सम्पन्न गर्ने निर्देशन दिनुभयो। परियोजनाअन्तर्गत छवटा सुरुङ, ८९ पुल, र ७०.९७७ किमी लामो सडक निर्माण भइरहेको छ।
इसेवाले २०२४ अगस्ट १ देखि लागू हुने नयाँ प्रावधान अनुसार, दिनमा ३ पटकभन्दा बढी पैसा पठाउँदा अतिरिक्त १० रुपैयाँ सेवा शुल्क लाग्ने जनाएको छ। महिनामा ३० पटकसम्मको सेन्ड मनी कारोबार भने निशुल्क हुनेछ।
चितवनको त्रिशुली नदीमा पहिरोले बगाएर बेपत्ता भएका दुई बस र यात्रुको खोजी कार्यमा हराएको चुम्बक पुनः फेला परेको छ। ६५ जनामध्ये ३ जना मात्र बाँच्न सफल भए भने ३८ यात्रुको अवस्था अझै अज्ञात छ। भारतको एनडिआरएफ टोलीले पनि खोजी कार्यमा सहभागिता जनाएको थियो।
नेपालका लागि चिनियाँ राजदूत छन सोङले नेपालको आर्थिक-सामाजिक विकासमा चीनको पूर्ण सहयोग रहने बताउनुभएको छ। बेल्ट एन्ड रोड इनिसिएटिभ (बिआरआई) अन्तर्गतका परियोजना नेपालका लागि लाभदायक हुने र सुधारका उपायहरूले चीन-नेपाल सम्बन्धलाई थप सुदृढ पार्नेमा उहाँले विश्वास व्यक्त गर्नुभएको छ।
सञ्चार तथा सूचना प्रविधिमन्त्री पृथ्वीसुब्बा गुरुङले समाजमा व्याप्त अन्धविश्वास, कुप्रथा, र रूढीवादी परम्पराको अन्त्यका लागि सरकारको प्रतिबद्धता व्यक्त गरेका छन्। एक कार्यक्रममा बोल्दै, उनले सबै प्रकारका विभेद र कुसंस्कारको अन्त्य गर्दै आधुनिक समाज निर्माणका निम्ति वर्तमान सरकार क्रियाशील रहेको बताए। मन्त्री गुरुङले ऐनकानुनको प्रभावकारी कार्यान्वयनमा जोड दिँदै, बोक्सी प्रथा, सति प्रथा, हलिया, छाउपडी, हरवाचरवा, र कम्लरी प्रथालाई पूर्ण रूपमा अन्त्य गर्नुपर्नेमा जोड दिए। उनले राजनीतिक रूपमा सङ्घीय लोकतान्त्रिक गणतन्त्रात्मक शासन व्यवस्थामा प्रवेश गरिसकेको भए पनि आर्थिक रूपमा मुलुक धेरै पछाडि रहेको औँल्याए। कार्यक्रमको अवसरमा बोक्सी प्रथामा आधारित चलचित्र ‘अग्निदहन’को पोष्टर पनि सार्वजनिक गरियो।
सिरहामा ५६ लाख रुपैयाँभन्दा बढी ठगी गरेको आरोपमा २७ वर्षीय इम्तियाज अहमद पक्राउ परेका छन्। उनले सामाजिक सञ्जालमार्फत विभिन्न व्यक्तिहरूसँग सम्पर्क गरी विदेशमा मृत व्यक्तिको बैंक खातामा रहेको रकमको उत्तराधिकारी बनाउने प्रलोभन देखाएर ठगी गरेको आरोप छ। उनलाई काठमाडौं उपत्यका अपराध अनुसन्धान कार्यालयले पक्राउ गरी काठमाडौं ल्याएको छ।
प्रधानमन्त्री केपी शर्मा ओलीले राष्ट्रिय योजना आयोगका नवनियुक्त उपाध्यक्ष प्रा डा शिवराज अधिकारी र सदस्यहरुलाई शपथ गराएका छन्। ओलीले देशको विकासको योजना कार्यान्वयनमा नमूनायोग्य भूमिका खेल्न आग्रह गरे।
नेपाल र बंगलादेश बीचको ४० मेगावाट विद्युत् व्यापार सम्झौता असफल भएको छ। भारतीय पक्षको समर्थन बिना सम्झौता अघि नबढ्ने जानकारहरुको भनाइ छ।
अविरल वर्षाले नेपालमा बाढीपहिरोको कारण १३४ जनाको मृत्यु भएको छ भने १४८ जना घाइते भएका छन्। विभिन्न प्रदेशमा ठूलो क्षति भएको छ।
