आवाज बिहिनहरुको आवाज
वीरगञ्जमा पर्सा प्रहरीले भारतबाट अवैध ढङ्गले भित्र्याएको १० लाख मूल्य पर्ने सात सय १२ बोरा युरिया मल बरामद गरेको छ। गैरकानुनी रूपमा भन्सार छली चोरीपैठारी गरी ल्याइएको मल भण्डारण गरिएको अवस्थामा फेला परेको हो।
बकर इदको दिन राजविराजका ३२ वर्षीय औरंगजेब मिया फलामको हतियार प्रहारबाट गम्भीर घाइते भए। उपचारका क्रममा विराटनगरस्थित नोबेल अस्पतालमा मृत्यु भएको छ। हत्या आरोपमा मो नसिर पक्राउ परेका छन्, जबकि अन्य आरोपितहरू फरार रहेका छन्।
चन्द्रपुर नगरपालिकामा भारतीय नम्बर प्लेटको स्कार्पियो दुर्घटना हुँदा दुई जनाको मृत्यु भएको छ। दुर्घटना नगरपालिकाको पूर्व-पश्चिम राजमार्गको धन्सार पुल नजिक भएको हो। मृतक र घाइतेहरूको विवरणसहित प्रहरीको टोली घटनास्थल पुगेको थियो। घाइतेहरूको उपचार बारास्थित निजगढ सामुदायिक अस्पताल र वीरगंजमा भइरहेको छ।
सर्लाहीसहित नेपालका तराई भेगबाट ल्याएर काठमाडौँमा पहिलो पटक आँप मेला सुरु भएको छ। ‘नेपालको उत्पादनलाई समर्थन गरौँ, ताजा र स्वादिलो आँपको आनन्द उठाऊँ’ भन्ने नाराका साथ मेलामा १५ प्रकारका आँप र आँपबाट उत्पादन गरिएका परिकार राखिएको छ।
सर्लाहीको बरहथवा नगरपालिकामा करेन्ट लागेर २१ वर्षीय अबोध ठाकुरको मृत्यु भएको छ। करेन्ट लागेर घाइते भएका उनका भाइ आनन्द ठाकुरको उपचार भइरहेको छ। घटनाको थप अनुसन्धान जारी छ।
प्रधानमन्त्री दाहालले प्रतिनिधिसभाको बैठकमा कैलालीको टिकापुर घटनामा दोषी ठहर भएकालाई कानुन अनुसार कारबाही हुने र थारु लगायत आर्थिक तथा सामाजिक रूपमा पछाडि परेका समुदायको सशक्तीकरणमा सरकार गम्भीर रहेको बताए। उनले बजेट निर्माण प्रक्रियामा सबै जनप्रतिनिधिको महत्वपूर्ण भूमिका रहेको र सम न्यायिक विकासका लागि संघीयता र गणतन्त्रको मार्गचित्र अनुसार बजेट तर्जुमा गरिएको प्रस्ट पारे।
सर्लाहीमा बस र भारतीय ट्रक ठोक्किँदा ४ जनाको मृत्यु भएको छ । पूर्व पश्चिम राजमार्ग अन्तर्गत सर्लाहीको बागमती न. पा. १ रायमाझी चोकमा पार्किङ गरी राखेको एन एल ०११ ए एस ९२५२ नम्वरको इन्डेन ट्रकलाई भैरहवा बाट जनकपुर तर्फ जादै गरेको लु १ ख ८८४८ नम्वरको बसले पछाडिबाट ठक्कर दिँदा दुर्घटना भएको हो । ट्रकमा सामान्य क्षेति भएको छ भने बस र बसमा सवार मानबिय क्षेति भने गम्भीर छ।
काठमाडौं । स्वतन्त्र सांसद अमरेश सिंहले कबाड व्यवसायीहरूलाई काठमाडौं महानगरपालिका र महानगरपालिकाका मेयर बालेन शाहले दुःख दिएको भन्दै रोष प्रकट गरेका छन् । बुधबार प्रतिनिधि सभाको आकस्मिक समयमा बोल्दै सांसद सिंहले महागरका मेयरकै शैलीमा सबै कबाडी र फोहोर बालेन शाहको घर अगाडि थुपार्न आग्रह गरे । बालेनको घरअगाडि फोहोर थुपारौँ ´ ‘बालेन जी, यहीँको मेयरले…
रौतहट प्रहरीले भारतको बिहारस्थित मोतिहारी जिल्ला पूर्वी चम्पारणका २० वर्षीय मोनुकुमार जैसवाललाई लुटपाटमा संलग्न भएको आरोपमा घरेलु कटुवा पेस्तोल र दुई राउन्ड गोलीसहित पक्राउ गरेको छ। जैसवाललाई हातहतियार तथा खरखजाना, चोरी तथा डाँका र ज्यान मार्ने उद्योग मुद्दामा अनुसन्धान भइरहेको छ। मौलापुरमा १७ लाख रुपैयाँ लुटपाटको घटनामा संलग्नता रहेको पुष्टि भएको उनी पहिल्यै पनि आपराधिक गतिविधिमा संलग्न रहँदै आएका थिए।
यस वर्ष संयुक्त राज्य अमेरिका र नेपालले दौत्य सम्बन्ध स्थापना भएको ७७ वर्ष मनाएका छन्। युएसएआईडी, पिसकोर, र मिलेनियम च्यालेन्ज कर्पोरेसन (एमसीसी) लगायतका अमेरिकी संस्थाहरूले नेपालमा स्वास्थ्य, शिक्षा, पूर्वाधार र विद्युत् प्रसारणमा उल्लेखनीय योगदान पुर्याएका छन्। एमसीसी नेपाल कम्प्याक्टले नेपालको ऊर्जा र सडक पूर्वाधार सुधार गर्दै समृद्धिको दिशामा महत्वपूर्ण भूमिका निर्वाह गरिरहेको छ।
