आवाज बिहिनहरुको आवाज
नेपालगञ्ज विमानस्थलमा बाक्लो हुस्सु र शीतलहरका कारण भिजिबिलिटी घट्दा आज बिहानदेखि सबै हवाई उडान ठप्प भएका छन्। जहाज उडाउन आवश्यक भिजिबिलिटी नपुग्दा काठमाडौं, धनगढी, पोखरा, र पहाडी जिल्लामा हुने उडानहरू प्रभावित भएका छन्। नागरिक उड्डयन कार्यालयका अनुसार यस क्षेत्रको जनजीवन पनि शीतलहरले प्रभावित बनेको छ।
पुर्णिमालाइ हटाएर गीतले अन्तर्राष्ट्रिय स्तरमा सफलता हात पार्दै, भारतको मुम्बईमा आयोजित Dadasaheb International Motivational Award-2025 मा दिपा कटुवाललाई Best Debut Female Model-Nepal अवार्ड दिलाएको छ। दिलिप लामाको स्वर, हेमराज काफ्लेको शब्द, र मनोज राज शिवाकोटिको संगीतले सजिएको यो म्युजिक भिडियोले प्रेम र बिछोडको कथालाई जीवन्त बनाएको छ।
तनहुँको व्यास नगरपालिका–१२ बेलभन्ज्याङमा मोटरसाइकल दुर्घटनामा दुई जनाको मृत्यु भएको छ। दमौलीबाट डुम्रेतर्फ जाँदै गरेको मोटरसाइकल अनियन्त्रित भई सडकबाट खस्दा उनीहरूको घटनास्थलमै मृत्यु भएको हो।
धरान उपमहानगरपालिकाका मेयर हर्क सम्पाङ संघीय सरकारलाई धरानको खानेपानी समस्या समाधान गर्न दबाब दिन सोमबार काठमाडौं आएका छन्। उनले मंगलबार सिंहदरबारमा प्रधानमन्त्री केपी शर्मा ओली र खानेपानीमन्त्री प्रदीप यादवलाई भेट्ने योजना बनाएका छन्।
बीवाईडी गाडीको आधिकारिक वितरक साइमेक्स इंकले माघ ९ देखि १३ गतेसम्म ‘एक्सचेन्ज फेस्ट’ आयोजना गर्दैछ। ग्राहकले जुनसुकै ब्रान्डको पुरानो गाडी साटेर बीवाईडीको नयाँ ईभी उत्कृष्ट अफरसहित प्राप्त गर्न सक्नेछन्।
टिकटक ले अमेरिकामा सेवा बन्द गरेको केही घण्टापछि आइतबार पुनः सञ्चालन गरेको छ। कम्पनीले सेवा सुचारु गर्न नवनिर्वाचित राष्ट्रपति डोनाल्ड ट्रम्पको भूमिका महत्वपूर्ण रहेको बताएको छ।
चालु आर्थिक वर्षको पुस मसान्तसम्म नेपाल सरकारको कुल सार्वजनिक ऋण २५ खर्ब ३६ अर्ब नाघेको छ। पछिल्लो छ महिनामा एक खर्ब दुई अर्ब थपिएको ऋण कुल गार्हस्थ्य उत्पादनको ४४.४६ प्रतिशत पुगेको छ।
निर्देशक दीपेन्द्र लामाको यौन स्वास्थ्यमा आधारित चलचित्र ‘दुःखी आत्मा’ फागुन २ गते प्रदर्शनमा आउँदैछ। मनोरञ्जनात्मक प्रस्तुतीकरणमा गम्भीर सामाजिक सन्देश समेटिएको चलचित्रले दर्शकलाई फरक अनुभूति दिनेछ।
माओवादी केन्द्रका महासचिव देवप्रसाद गुरुङले दुई दलीय अभ्यास स्वीकार्य नहुने बताएका छन्। तमु राष्ट्रिय मुक्ति मोर्चाको विस्तारित बैठकले आगामी फागुन १० गते राष्ट्रिय भेला पोखरामा गर्ने निर्णय गरेको छ।
महाकाली नदीमा निर्माणाधीन चारलेन पुलको निरीक्षण गृहमन्त्री र भौतिक पूर्वाधारमन्त्रीले गरेका छन्। भेरियेसन समस्या र बाँध भत्किँदा निर्माण प्रभावित भएको छ।
