आवाज बिहिनहरुको आवाज
खानेपानीमन्त्री प्रदीप यादवले नेपाल खानेपानी संस्थान कोमामा रहेको भन्दै यसलाई नाफामूलक बनाउन गम्भीर हुनुपर्ने बताएका छन्। संस्थानलाई सुधार्न नयाँ गेम चेन्जर कार्यक्रम ल्याउनुपर्ने उनको धारणा छ।
नेकपा (एमाले) का महासचिव शंकर पोखरेलले अवसरवाद र अराजकताले राजनीतिक आन्दोलनलाई अवरुद्ध पार्ने बताएका छन्। उनले स्वास्थ्य, शिक्षा, प्रविधि, र आर्थिक सुधारमा जोड दिनुपर्ने आवश्यकता औंल्याए।
जनकपुर अन्तर्राष्ट्रिय चलचित्र महोत्सव २०२५ को सम्पूर्ण तयारी पूरा भएको छ। ११४ भन्दा बढी देशका ३५०० आवेदनहरूमध्ये छानिएका ७८ उत्कृष्ट फिल्म प्रदर्शन गरिनेछ।
महाशिवरात्रि अवसरमा मेलम्ची खानेपानी विकास समितिले बागमती नदीमा करिब १५ करोड लिटर पानी वितरण गर्ने जनाएको छ। भक्तजनको सुविधाका लागि नियमित पानी प्रवाहसँगै विशेष व्यवस्था गरिएको छ।
उपराष्ट्रपति रामसहायप्रसाद यादवले नेपालका अस्पतालहरूले आँखाको उपचार सेवामा उल्लेखनीय फड्को मारेको बताउनुभएको छ। सोमबार रामकुमार महावीरप्रसाद केडिया आँखा अस्पतालको स्वर्ण महोत्सव (५० औं वार्षिकोत्सव) को अवसरमा आयोजित समारोहमा उहाँले नेपालमा आँखाको उपचारमा भएको प्रगति समग्र राष्ट्रकै लागि गर्वको विषय भएको बताउनुभयो।
परराष्ट्रमन्त्री डा. आरजु राणा देउवा र स्वीट्जरल्यान्डका विदेशमन्त्री इग्नाजियो डेनिले जियोभानी क्यासिसबीच जेनेभामा सम्पन्न भेटवार्तामा नेपाल-स्वीस सम्बन्धलाई थप मजबुत बनाउने विषयमा छलफल भएको छ। नेपालले संयुक्त राष्ट्रसंघका विभिन्न परिषद सदस्य पदका लागि उम्मेदवारी दिएको भन्दै, मन्त्री देउवाले स्वीट्जरल्यान्डको सहयोगका लागि आग्रह गर्नुभयो।
प्रधानमन्त्री केपी शर्मा ओलीले राष्ट्रसेवक कर्मचारीहरूलाई सुशासन र समृद्धिको यात्रामा प्रभावकारी सेवा प्रवाह गर्न आग्रह गर्नुभएको छ। सिंहदरबारमा आयोजित जन्मोत्सव कार्यक्रममा उहाँले भ्रष्टाचारविरुद्ध दृढ अडान लिने प्रतिबद्धता जनाउँदै पारदर्शी र जनउत्तरदायी प्रशासन आवश्यक रहेको बताउनुभयो।
मधेसको महोत्तरीसहित मिथिलाक्षेत्र भक्तिभावका दुई ठूला महापर्व मनाउन जुटेको छ। महाशिवरात्रि पर्वको तयारी तीव्र छ भने मिथिला माध्यमिकी परिक्रमा पनि सुरु हुँदैछ। विभिन्न शिवालयमा चहलपहल बढेको छ भने मन्दिर परिसरमा पूजाका सामग्रीहरू बिक्रीका लागि राखिएका छन्।
लालबन्दी नगरपालिकामा बनेको नवनिर्मित व्यावसायिक भवन फागुन १२ गते उद्घाटन हुने भएको छ। नगरपालिकाले विभिन्न राजनीतिक दलहरूलाई निमन्त्रणा गरिसकेको छ भने उपप्रधान तथा शहरी विकास मन्त्री प्रकाशमान सिंहले भवन उद्घाटन गर्नेछन्।
सर्लाहीमा जंगली हात्तीको आतंक बढ्दै गएको छ। हात्तीको आक्रमणले घर भत्काउनुका साथै बालीनालीमा ठूलो क्षति पुगेको छ। लालबन्दी, ईश्वरपुर, हरिवन, र बागमती नगरपालिकाका बासिन्दा त्रसित छन्। वन कार्यालयले सतर्कता अपनाउन आग्रह गर्दै क्षतिपूर्ति प्रदान गर्ने आश्वासन दिएको छ।
