सर्लाहीमा ट्रक दुर्घटना

हरिवन नगरपालिकामा मंगलबार भएको ट्रक दुर्घटनामा २० वर्षीय मोटरसाइकल चालक दीपशरण चालिसेको मृत्यु भएपछि फरार भएका ट्रक चालक सोलिन्द्र कुमार कुशवाहलाई आज बिहान बयलबास बजारबाट प्रहरीले पक्राउ गरेको छ। ईश्वरपुर नगरपालिका वडा नम्बर १३ का २६ वर्षीय कुशवाहलाई इलाका प्रहरी कार्यालय केशरगञ्जको समन्वयमा नियन्त्रणमा लिइएको हो। ना६ख ४९८९ नम्बरको ट्रकले ठक्कर दिँदा घटनास्थलमै चालिसेको मृत्यु भएको थियो। कुशवाहलाई फेला पार्न प्रहरीले विशेष खोजतलास अभियान चलाएको थियो। प्रहरीले कुशवाहमाथि थप अनुसन्धान गरिरहेको छ।