2024

कोशी प्रदेशले नयाँ आर्थिक वर्ष २०८१/८२ का लागि ल्याएको बजेटले चालु आर्थिक वर्षका प्राथमिकता र कार्यक्रमहरूलाई समेटेको छैन। वन्यजन्तु–मानव द्वन्द्व न्यूनीकरणका लागि ‘जसको जंगल उसको मंगल’ कार्यक्रमलाई मानव–हात्ती सहअस्तित्व कार्यक्रमले प्रतिस्थापन गरेको छ। केसलिया करिडोर र प्रादेशिक जलन अस्पताल जस्ता पुराना प्राथमिकता बजेटबाट हटाइएका छन्। कृषिभन्दा पूर्वाधार र पर्यटनलाई प्राथमिकतामा राखिएको छ। निःशुल्क बालबालिका उपचार योजना घोषण गरिए तापनि विशेषज्ञ चिकित्सकको अभावले यो योजना प्रभावकारी नहुन सक्छ। पूर्वमुख्यमन्त्री केदार कार्कीका प्राथमिकता हटाएर साना योजनाहरूलाई समेटिएको बजेट ‘कनिका छरेको जस्तो’ भएको आलोचना भइरहेको छ।