आवाज बिहिनहरुको आवाज
परराष्ट्रमन्त्री आरजु राणा देउवाले हमासको नियन्त्रणमा रहेका नेपाली विद्यार्थी विपिन जोशी सकुशल रहेको र चाँडै फिर्ता आउने विश्वास व्यक्त गरेकी छन्। उनले विपिनको रिहाइका लागि नेपाल सरकारले कूटनीतिक पहल गरिरहेको बताइन्।
वन तथा वातावरणमन्त्री ऐनबहादुर शाही समक्ष शुक्लाफाँटा राष्ट्रिय निकुञ्ज विस्थापित समस्या समाधान आयोगले प्रतिवेदन बुझाएको छ। सरकारले असोज २ गते आयोग गठन गरेको थियो, जसले तीन महिनाभित्र प्रतिवेदन तयार पारेको हो।
पूर्वप्रधानमन्त्री शेरबहादुर देउवाले म्याग्दी महोत्सवको उद्घाटन गर्दै प्राकृतिक स्रोतसाधनको सदुपयोगबाट आर्थिक विकास सम्भव हुने बताएका छन्। उनले लगानीमैत्री वातावरण निर्माणमा जोड दिँदै म्याग्दीका विभिन्न पूर्वाधार परियोजनाका लागि बजेट सुनिश्चित गर्ने प्रतिबद्धता जनाए।
नेपाल उद्योग वाणिज्य महासंघ र भारतीय उद्योग परिसंघ (CII) बीच काठमाडौंमा संयुक्त बैठक सम्पन्न भएको छ। व्यापार सहजीकरण, लगानी प्रवर्द्धन, र नेपाल-भारत आर्थिक सम्बन्ध मजबुत बनाउन बैठक केन्द्रित भएको थियो।
यमनको हुथी समूहले अमेरिकी विमानवाहक जहाजमा मिसाइल आक्रमण गरेको दाबी गरेको छ। साथै, इजरायलको तेल अभिभमा तीन वटा विस्फोटकयुक्त ड्रोन प्रहार गरिएको छ।
भोजपुरको बोखिममा जिप दुर्घटना हुँदा घाइते भएका एक जनाको मृत्यु भएको छ । दुर्घटनामा परी घाइते भएका १० जनामध्ये गम्भीर अवस्थामा रहेका तीन जनालाई थप उपचारका लागि काठमाडौं पठाइएको छ ।
संविधानको कार्यान्वयनमा गम्भीर बनौँ : अध्यक्ष दाहाल
नेपालगञ्ज उपमहानगरपालिकाले विद्यालयमा सहकारी शिक्षा सुरु गरेको छ। यसले विद्यार्थी र अभिभावकलाई सहकारीबारे सचेत बनाउने लक्ष्य लिएको छ।
गृहमन्त्री रमेश लेखकले हिरासत तस्बिर प्रकरणमा यथार्थ छानबिन गरी दोषीलाई कारबाही गर्न निर्देशन दिएका छन्।
