आवाज बिहिनहरुको आवाज
असार २४ गतेको बाढीले अवरुद्ध बनाएको स्याफ्रुबेँसी–रसुवागढी सडक खण्ड आज साउन ४ गतेदेखि पुनः एकतर्फी रूपमा सञ्चालनमा आएको छ। सुरक्षाका मापदण्ड पालना गर्दै हाल हलुका सवारीलाई अनुमति दिइएको छ भने क्रमिक रूपमा मालवाहक सवारी पनि सञ्चालनमा ल्याइने बताइएको छ।
रसुवामा दुई साताअघि आएको बाढीका कारण भएको क्षतिको बीमा दाबी २९ करोड रुपैयाँ बराबर पुगेको छ ।
नेपाल बीमा प्रधिकरणका अनुसार आइतबारसम्म ६३ बढी आवेदनबाट उक्त रकम बराबर माग दाबी परेको हो ।
नेकपा एमाले अध्यक्ष केपी ओली र नेतृ विद्या भण्डारीबीच सहमतिबाटै पार्टीभित्रका समस्या समाधान गर्ने निष्कर्षमा पुगेका छन्। च्यासलमा भएको वार्तामा दुवैले एकले अर्कालाई निषेध नगरी सहकार्यको बाटो अँगाल्ने निर्णय गरेका हुन्।
झापा दमकस्थित ‘दमक टावर’ अवलोकनमा दैनिक४ सयभन्दा बढी मानिस पुग्न थालेका छन् । यो व्यापारिक कम्प्लेक्स १ साउनदेखि सर्वसाधारणका लागि खुला भएको हो ।
कांग्रेस सांसद डा. सुनिल शर्माले डा. शेखर कोईरालाको पक्षमा हाल पार्टीमा ६० प्रतिशत सांसद रहेको दाबी गरेका छन्। उनले सरकारमा रहेका शेखर पक्षीय मन्त्रीहरूलाई फिर्ता बोलाउने विषयमा छलफल भएको र अर्को बैठकबाट निर्णय हुने बताए।
सिरहा कारागारमा आइतबार कैदीबन्दीहरूबीच आन्तरिक विवादका कारण झडप हुँदा १३ जना घाइते भएका छन्। उनीहरूको स्थानीय अस्पतालमा उपचार भइरहेको छ।
इन्फिनिक्सले नयाँ स्मार्टफोन HOT 60i नेपाली बजारमा सार्वजनिक गरेको छ, जसको सुरुवाती मूल्य रु. १४,९९९ रहेको छ। स्टाइल, पर्फर्मेन्स र ब्याट्री क्षमताको उत्कृष्ट संयोजनका साथ यो फोन युवामाझ चर्चित बन्दैछ।
बुटवल–नारायणगढ सडकअन्तर्गतको दाउन्ने खण्डमा गत एक वर्षमा ६३ पटक सडक अवरुद्ध भएको छ। भारी वर्षा र पहिरोका कारण सडकमा बारम्बार समस्या देखिन थालेको छ। विनयी खोला पुल भाँचिएपछि यातायात थप अव्यवस्थित बनेको थियो भने हाल सडक विस्तार र मर्मतका काम तीव्र रुपमा भइरहेको छ।
साउन ४ गते काभ्रेको भुम्लु गाउँपालिका–८ पौवा नजिकै काठमाण्डौ जाँदै गरेको यात्रुबाहक बस ब्रेक फेल भई सडकको भित्तामा ठोक्किएको छ। बसमा सवार ३२ जनामध्ये ७ जना घाइते भएका छन्, जसलाई धुलिखेल अस्पतालमा उपचारका लागि लगिएको छ।
गायिका एलिना चौहानले वैवाहिक सम्बन्धमा भएको हिंसाबारे सामाजिक सञ्जालमार्फत खुलासा गरेकी छन्। उनले निलडामसहितको तस्बिर सार्वजनिक गर्दै अब चुप लागेर नबस्ने चेतावनी दिएकी छन्। उनले समाज र सामाजिक सञ्जालबाट भएको मानसिक यातनाप्रति पनि गहिरो गुनासो गरेकी छन्।
