काठमाडौं । गायिका एलिना चौहानले आफ्ना वैवाहिक जीवनका पीडादायी अनुभव सार्वजनिक गर्दै अब चुप लागेर नबस्ने घोषणा गरेकी छन्। एलिना चौहानको वैवाहिक हिंसाबारे खुलासा सामाजिक सञ्जालमार्फत गर्दै उनले आफूमाथि भएको अन्यायको प्रतिकार गर्न तयार भएको संकेत दिएकी हुन्।
सामाजिक सञ्जालमार्फत भावुक अभिव्यक्तिमा उनले वैवाहिक सम्बन्धसँग जोडिएका अनेकन आरोप र टिप्पणीहरू आफूले चुपचाप सहनु परेको उल्लेख गरेकी छन्। एलिनाले भनिन्, “मेरो मौनतालाई कमजोरी नठानियोस्।”
एलिनाले जुन ९, २०२४ मा खिचिएको तस्बिर सार्वजनिक गरेकी छन्, जहाँ उनको गालामा स्पष्ट निलडाम देखिन्छ। एलिना चौहानको वैवाहिक हिंसाबारे खुलासा यस तस्बिरमार्फत झनै पुष्टि भएको देखिन्छ।
एलिनाले समाज र सामाजिक सञ्जालको दवाव, गलत धारणा र टिप्पणीकै कारण पुनः पीडित बन्नु परेको गुनासो गरेकी छन्। उनले लेखिन्, “एकपटक सकिएको कुरा समाजकै कारण फेरि उठाइयो, जसले मलाई गहिरो चोट पुर्यायो।”
साथै, एलिनाका पति विष्णु सापकोटाले पनि सामाजिक सञ्जालमा आफूमाथि गाली गर्नेहरूविरुद्ध कानुनी उपचार खोजिरहेको बताएका छन्। उनले सम्बन्ध विच्छेदबारे बारम्बार कुरा उठाउनु गलत भएको संकेत दिँदै एलिनालाई लक्षित गरेका थिए।
एलिना चौहानको वैवाहिक हिंसाबारे खुलासा सँगै उनले पीडित भएर पनि जब अनुभव बाँडिन्, तब आफैंमाथि प्रश्न उठाइएकोमा दुख व्यक्त गरेकी छन्। यो घटनाले महिला कलाकारहरूको व्यक्तिगत जीवनमाथि हुने सामाजिक हस्तक्षेपमाथि गम्भीर प्रश्न उठाएको छ।
