आवाज बिहिनहरुको आवाज
सरकारले सामाजिक सुरक्षा भत्ताका लागि राष्ट्रिय परिचयपत्र अनिवार्य गरेको निर्णयविरुद्धमा आइतबार सर्वोच्च अदालतमा रिट दायर भएको छ। अधिवक्ता विमल पोखरेलले राष्ट्रिय परिचयपत्र अनिवार्य गर्दा नवीकरण हुन नसकी लक्षित समूह बञ्चित हुने भन्दै रिट दायर गरेका हुन्। रिटमा सम्पूर्ण वृद्धवृद्धा, अपाङ्ग, विधवा र भत्ता प्राप्त गर्ने व्यक्तिहरूका लागि परिचयपत्र संकलन र प्रमाणित गर्न उचित विधि अपनाउन माग गरिएको छ।
नेपाली कांग्रेसका महामन्त्री गगनकुमार थापाले संघ र प्रदेशमा सदस्य घटाउनुपर्ने बताएका छन्। नेपाली कांग्रेस नागार्जुन नगर कार्यसमितिले गरिबीविरुद्ध एकीकृत सहयोग नेपाल नामको संस्थासँगको सहकार्यमा शनिबार आयोजना गरेको ‘कार्यकर्ता प्रशिक्षण कार्यक्रम’मा थापाले संविधान संशोधन गरेर केन्द्र र प्रदेशमा सांसदको संख्या घटाउनुपर्ने बताएका हुन्। उनले संघीय सरकारमा १० देखि १२ जनामात्र मन्त्री बनाउनुपर्ने र प्रदेशमा पनि मन्त्रीको संख्या घटाउनुपर्ने विचार व्यक्त गरे। थापाले प्रदेशको निर्वाचन प्रणाली परिवर्तन गर्नुपर्ने धारणा पनि राखे।
शनिबार मध्य रातिदेखि नेपाल आयल निगमले पेट्रोल, डिजेल, र मट्टीतेलको मूल्य घटाएको छ। नयाँ मूल्यहरू क्रमशः १६५ र १५२ रुपैयाँ प्रतिलिटर कायम।
राष्ट्रिय स्वतन्त्र पार्टीका उपसभापति डा. स्वर्णिम वाग्लेले संगठनको आवश्यकताको महत्त्वबारे चर्चा गर्दै, पार्टीलाई समुदायसम्म पुग्न कठिनाइ भएको र संगठनको आवश्यकता रहेको बताए।
नेपाली सेनाको चारआलीस्थित अरिदमन गणले कनकाई-३ सुरुङ्गास्थित पशुपति इङलिस सेकेन्डरी स्कुलका विद्यार्थीहरुलाई विपद व्यवस्थापन र सर्पदंश सम्बन्धी जानकारी दिने कार्यक्रम सम्पन्न गरेको छ। मनसुनको सुरुवातसँगै विद्यालयमा ३०० जनाको उपस्थिति रहेको उक्त कार्यक्रममा विभिन्न अभ्यास र प्रशिक्षण गराइएको थियो।
जावलाखेलमा बेहोस अवस्थामा भेटिएका २५ वर्षीय उमेश सेन्चुरी र उनकी श्रीमती रेणु सेन्चुरीको मृत्यु भएको छ। जिल्ला प्रहरी कार्यालय ललितपुरका एसपी नरेश सुवेदीले उनीहरूलाई पाटन अस्पताल पुर्याएपछि चिकित्सकले मृत घोषणा गरेको जानकारी दिए। मृतक दम्पतीको कोठामा झोलिलो पदार्थ रहेको बोतल भेटिएको छ, जसको रिपोर्ट पोस्टमार्टम पछि आउनेछ।
नेकपा एमालेले नयाँ बानेश्वरस्थित संघीय संसद् भवनको ल्होत्से हलमा शनिबार दिउँसो २ बजेदेखि संसदीय दलको बैठक बोलाएको छ। प्रमुख सचेतक महेश बर्तौलाका अनुसार, पार्टी अध्यक्ष केपी शर्मा ओलीले समसामयिक राजनीतिक परिस्थितिमा सांसदहरूलाई निर्देशन दिने र संसदमा पार्टीको भूमिकाबारे छलफल गर्ने छन्।
काठमाडौँ, असार १ गते । पशुपतिनाथ मन्दिरका चारवटै ढोका बिहान ४ बजे नै खोलिएका छन्। दर्शनार्थीको सङ्ख्या बढ्दै गएकाले मन्दिरका चारवटै ढोका बिहान ४ बजे खोल्न थालिएको हो, जसले गर्दा भक्तजनहरुको कोरक्षेत्रमा लाइन बढेको र दर्शन गर्न सहज भएको छ।
टी-२० विश्वकपमा नेपाल दक्षिण अफ्रिकासँग एक रनले पराजित हुँदै ऐतिहासिक जितको नजिक पुगेर चुकेको छ। १ सय १६ रनको लक्ष्य पछ्याउँदै नेपालले २० ओभरमा ७ विकेट गुमाएर १ सय १४ रन मात्रै बनाउन सक्यो। नेपालका लागि आसिफ शेखले सर्वाधिक ४२ रन बनाए भने कुशल भुर्तेलले ४ विकेट लिए।
बाराको आदर्शकोतवाल गाउँपालिकामा अज्ञात समूहद्वारा गोली प्रहारबाट बहुमुखी क्याम्पसका प्रमुख हरिभुषण कुशवाहाको मृत्यु भएको छ। गम्भीर घाइते भएका कुशवाहाको वीरगन्जस्थित नारायणी बयोधा अस्पतालमा उपचारको क्रममा निधन भएको हो। आक्रमणकारी समूह फरार रहेको र घटनाको अनुसन्धान जारी रहेको प्रहरीले जनाएको छ।
