नेकपा एमालेका अध्यक्ष केपी शर्मा ओलीले सुनसरीमा आयोजित एक कार्यक्रममा कांग्रेसले गृहमन्त्री रवि लामिछानेविरुद्ध गरेको आलोचनालाई भँगेरा मार्न तोप बोकेर जानु सरह भएको टिप्पणी गरेका छन्।
उनले रवि लामिछानेलाई ‘रवि लामिछाने कि को भन्ने एक जना बाबु’ भनेर सम्बोधन गर्दै कांग्रेसको आलोचनालाई अत्यधिक ठानेका छन्। यसमा प्रतिक्रिया दिँदै राष्ट्रिय स्वतन्त्र पार्टीका केन्द्रीय सदस्य गणेश कार्कीले फेसबुकमा ओलीको टिप्पणी या त असीम प्रेम वा अति हेपाइको भएको बताएका छन्, र यो दुबै हानिकारक भएको औंल्याएका छन्।
गणेश कार्कीले ओलीले विकृत प्रवृत्तिको विरोध गरेको भए पनि प्रचण्डसँगको सहकार्यका कारण यसलाई सहन गरेको प्रश्न उठाएका छन्।
