आवाज बिहिनहरुको आवाज
काठमाडौँ उपत्यकामा पोलियो रोगविरुद्धको विशेष खोप अभियान साउन १५ गतेसम्म सञ्चालन हुने भएको छ। टुकुचा खोला र वाग्मती नदीमा पोलियो जीवाणु भेटिएपछि स्वास्थ्य मन्त्रालयले थप तीन दिनसम्म अभियान जारी राख्ने निर्णय गरेको छ।
स्वास्थ्य सेवा विभागले देशभर हालसम्म १० जनामा हैजा सङ्क्रमण पुष्टि गरेको छ। व्यक्तिगत सरसफाइ, शुद्ध खानेपानी र नियमित अनुगमनले हैजा नियन्त्रणमा राख्न सकिने विज्ञहरूको सुझाव छ।
काठमाडौंको टुकुचा खोला र बागमती नदीको सङ्गमस्थल टेकुको ढलमा पोलियो जीवाणु फेला परेको छ। स्वास्थ्य सेवा विभागका प्रमुख डा अभियान गौतमले यो जीवाणु देखिनु संवेदनशील भएको बताए। नेपाल २०१४ देखि पोलियोमुक्त भए तापनि २०१० पछि पहिलो पटक जीवाणु भेटिएको हो। मन्त्रालयले उपत्यकामा खोप अभियान सुरु गर्ने तयारी गरेको छ, जसले बालबालिकालाई पोलियोबाट सुरक्षित राख्न मद्दत पुर्याउनेछ।
