आवाज बिहिनहरुको आवाज
बाराको आदर्शकोतवाल गाउँपालिकामा अज्ञात समूहद्वारा गोली प्रहारबाट बहुमुखी क्याम्पसका प्रमुख हरिभुषण कुशवाहाको मृत्यु भएको छ। गम्भीर घाइते भएका कुशवाहाको वीरगन्जस्थित नारायणी बयोधा अस्पतालमा उपचारको क्रममा निधन भएको हो। आक्रमणकारी समूह फरार रहेको र घटनाको अनुसन्धान जारी रहेको प्रहरीले जनाएको छ।
नेपाली क्रिकेट टिमका ओपनिङ ब्याट्सम्यान आसिफ सेख नेपाली टिमबाट एक हजार टी-ट्वेन्टी रन पूरा गर्ने खेलाडीमा पर्छन्। वीरगन्जबाट उदाएका आसिफले सुरुआती दिनमा नारायणी रंगशालामा दाजु आरिफसँगै क्रिकेट खेल्न थालेका थिए। सन् २०१२ मै अन्डर सिक्सटिनको एलिट कपमा छनोट भएका आसिफले सन् २०१७ को इमर्जिङ टिम्स एसिया कपमा नेपालको कप्तानी गरेका थिए। तीन वर्षअघि कीर्तिपुरको क्रिकेट मैदानमा नेदरल्यान्डसँग सिरिज खेल्दै टी-ट्वेन्टी आईमा डेब्यु गरेका आसिफले डेब्युमै अर्धशतक प्रहार गरेका थिए।
वीरगन्जका २७ वर्षीय नीरज साहले आफ्नो पुर्खौली बुबा बाजेले ३५ वर्ष अघि सुरु गरेको भुजा~पकौडा पसललाई निरन्तरता दिँदै १० जनाको परिवारको जीविका चलाउँदै आएका छन्। उहाँको मिठो र स्वादिलो पकौडाको चर्चा टाढा टाढासम्म फैलिएको छ, जसले गर्दा धेरै मानिसहरू पकौडा खानको लागि टाढा टाढाबाट आउने गरेका छन्। नीरजको भनाइ अनुसार, परिवारसँग बसेरै आफ्नै ठाउँमा राम्रो कमाई हुँदा उहाँलाई धेरै खुसी लागेको छ।
