आवाज बिहिनहरुको आवाज
काभ्रेपलान्चोक जिल्लाको अरनिको राजमार्ग अन्तर्गत ५२ किलोमा बस र स्कुटर ओभरटेक गर्ने क्रममा ठोक्किएर दुर्घटना भएको छ। सुरक्षाकर्मी र स्थानीय बासिन्दाहरू उद्दार कार्यमा जुटेका छन् भने घाइतेहरूको अवस्थाबारे थप जानकारी आउन बाँकी छ।
नेपालगञ्जबाट काठमाडौं जाँदै गरेको लु प्र ०३-००१ ख ००७७ नम्बरको बस आज बिहान नारायणगढ-मुग्लिन सडकखण्डको सेतीदोभान पुलबाट खस्दा २३ जना घाइते भएका छन्।
सर्लाही र सिन्धुलीको सिमाना चुरे पहाडमा बस दुर्घटना हुँदा कुनै मानवीय क्षति नभएको पुष्टि भएको छ। विपरीत दिशाबाट आएको बसलाई साइड दिने क्रममा गाडी चिप्लिएर खोल्सामा पुगेको थियो।
सिन्धुलीको गोलन्जोर गाउँपालिका ७ मा बिहीबार अपराह्न बीपी राजमार्गमा भएको बस दुर्घटनामा ग्लोबल आईएमई बैंकका २५ जना कर्मचारी घाइते भएका छन्। महोत्तरीको बर्दिवासबाट काठमाडौंतर्फ जाँदै गरेको बाग्मती प्रदेश ०१० प ०१ – १७३२ नम्बरको पर्यटक बस दुर्घटनाग्रस्त भएको हो। गम्भीर घाइतेलाई खुर्कोट र धुलिखेल अस्पताल पठाइएको छ।
