आवाज बिहिनहरुको आवाज
महोत्तरीको रातुखोलामा क्रसर उद्योगले बनाएको खाडलमा डुबेर १३ वर्षीय बालक रिदम विश्वकर्माको मृत्यु भएको छ। पौडी खेल्न गएका बालक घर नफर्किएपछि खोजतलास गर्दा मृत अवस्थामा भेटिएका हुन्। क्रसर उद्योगले मापदण्डविपरीत २० फिटमाथिका खाल्डा बनाएको क्षेत्रमा वर्षाको पानी जमेर पोखरी बनेको थियो। यसअघि पनि यस्तै खाडलमा एक १६ वर्षीय युवकको ज्यान गएको थियो।
जनकपुर–जयनगर रेल्वेको लिकमा दुर्घटनामा एकजनाले दुवै खुट्टा गुमाएका छन्। श्रीराम दासलाई उपचारका लागि जनकपुर प्रादेशिक अस्पतालमा भर्ना गरिएको छ।
सर्लाहीको ईश्वरपुर नगरपालिका वडा नम्बर ६ दशबिघामा ५० वर्षीया दुखनावती देवी सिंहको करेन्ट लागेर मृत्यु भएको छ। खेतमा विद्युतीय मोटरबाट पानी तान्ने क्रममा उनलाई करेन्ट लागेको थियो। नगर अस्पताल ल्याउँदा उनको मृत्यु भइसकेको थियो।
धादिङको सिद्धलेक गाउँपालिका– २ नलाङ स्थित खिर्रेमा टाटा सुमो दुर्घटना हुँदा एकजनाको मृत्यु भएको छ भने एकजना घाइते भएका छन्। दुर्घटनामा नलाङ पोखरी गाउँका ५२ वर्षीय लोकबहादुर गुरुङको ज्यान गएको छ भने चालक ५५ वर्षीय जीवन श्रेष्ठको काठमाडौंस्थित ट्रमा सेन्टरमा उपचार भइरहेको छ।
सर्लाहीमा छोराले चलाएको मोटरसाइकल दुर्घटनामा बुवाको मृत्यु भएको छ। जिल्लाको बागमती नगरपालिका-१, मिलनचोकमा मोटरसाइकल दुर्घटना हुँदा बाराको कोल्हबी नगरपालिका-१, का ६५ वर्षीय निलबहादुर प्रसाईको मृत्यु भएको ईलाका प्रहरी कार्यालय हरिवन जानकारी दिएको छ। मंगलबार ३६ वर्षीय छोरा राजुले चलाएको बा. ९१ प. ९३६२ नम्बर मोटरसाइकल अनियन्त्रित भइ राजमार्गमा दुर्घटना हुँदा निलबहादुर गम्भीर घाइते भएका थिए।…
मुग्लिन-नारायणगढ सडकखण्डको भरतपुर महानगरपालिका वडा नम्बर २९ स्थित १५ किलो भन्ने स्थानमा मध्यराती पाँच वटा सवारी साधन एकापसमा ठोक्किएर भएको भीषण दुर्घटनामा २२ जना घाइते भएका छन्, जसमा १४ जनाको अवस्था गम्भीर छ। दुर्घटनापछि अवरुद्ध भएको सडक राती साढे दुई बजेपछि पुन: सञ्चालनमा आएको छ। दुर्घटनाको विस्तृत विवरण आउन बाँकी छ।
धनुषाको क्रसर उद्योगमा एउटा युवकको शव फेला परेको छ। प्रहरीको अनुसार, यादवले मजदुरी गर्दै आएका थिए र उनको शव क्रसरमा फेला परेको हो। घटनास्थलमा अनुसन्धान गर्न प्रहरीले कार्यमार्गमा छन्।
ललितपुरबाट हेटौंडातर्फ आउँदै गरेको कार कान्तिलोकपथ सडकखण्ड अन्तरगत बकैया – १२ ठिङ्गनमा दुर्घटनामा परेको हो। दुर्घटनामा घाइते तीनजना मध्ये बारा रौतहट मौलापुर नगरपलिकका ६ बस्ने १७ वर्षका विवेक शाह, भिमफेदी गाउँपालिका वडा नम्बर ८ बस्ने वर्ष ६५ वर्षका प्रेम बहादुर ब्लोनको मृत्यु भएको मकवानपुरका प्रहरी नायव उपरीक्षक लक्ष्मी भण्डारीले जानकारी दिए।
चितवनको भरतपुरमा बसको ठक्करबाट एक बालकको मृत्यु
अपडेट : मोरङको बेलबारीमा भएको सवारी दुर्घटनामा तीन जनाको मृत्यु, २ घाइते
