छाउपडी

सञ्चार तथा सूचना प्रविधिमन्त्री पृथ्वीसुब्बा गुरुङले समाजमा व्याप्त अन्धविश्वास, कुप्रथा, र रूढीवादी परम्पराको अन्त्यका लागि सरकारको प्रतिबद्धता व्यक्त गरेका छन्। एक कार्यक्रममा बोल्दै, उनले सबै प्रकारका विभेद र कुसंस्कारको अन्त्य गर्दै आधुनिक समाज निर्माणका निम्ति वर्तमान सरकार क्रियाशील रहेको बताए। मन्त्री गुरुङले ऐनकानुनको प्रभावकारी कार्यान्वयनमा जोड दिँदै, बोक्सी प्रथा, सति प्रथा, हलिया, छाउपडी, हरवाचरवा, र कम्लरी प्रथालाई पूर्ण रूपमा अन्त्य गर्नुपर्नेमा जोड दिए। उनले राजनीतिक रूपमा सङ्घीय लोकतान्त्रिक गणतन्त्रात्मक शासन व्यवस्थामा प्रवेश गरिसकेको भए पनि आर्थिक रूपमा मुलुक धेरै पछाडि रहेको औँल्याए। कार्यक्रमको अवसरमा बोक्सी प्रथामा आधारित चलचित्र ‘अग्निदहन’को पोष्टर पनि सार्वजनिक गरियो।