आवाज बिहिनहरुको आवाज
भ्रष्टाचार नियन्त्रणका लागि स्थापित अख्तियार दुरुपयोग अनुसन्धान आयोग आजदेखि ३४औँ वर्षमा प्रवेश गरेको छ। संविधानको धारा २३९ अनुसार, सार्वजनिक पदधारीको भ्रष्टाचार अनुसन्धान र कारबाही गर्न अख्तियारलाई संवैधानिक अधिकार प्राप्त छ।
बाजुराका अधिकांश गाउँमा महिनावारी भएका महिलाहरूलाई मठमन्दिर नजिकका बाटो हिँड्नसमेत रोक लगाइन्छ। छाउप्रथा उन्मूलनका प्रयास भए पनि सामाजिक परम्पराले महिलाहरू अझै विभेदको शिकार बनिरहेका छन्।
पाँच महिना बितिसक्दा पनि बाढीपहिरोले क्षतिग्रस्त बिपी राजमार्ग पुनर्निर्माणका लागि कुनै ठोस निष्कर्षमा पुग्न सकिएको छैन। विभिन्न तीन विकल्पमाथि छलफल भए पनि पुनर्निर्माण प्रक्रिया अन्योलमै छ।
तिर्थयात्री बोकेको बस बबई नजिक दुर्घटनामा परेको छ। करिब ४० जना यात्रु सवार रहेको बसका घाइतेहरूको उद्दारकार्य जारी रहेको छ।
आगलागीबाट पूर्ण रूपमा क्षति पुगेपछि खानेपानीमन्त्री प्रदीप यादव अस्थायी कार्यकक्षमा सर्नुभएको छ। मन्त्रालयका महत्त्वपूर्ण कागजात भने सुरक्षित रहेको छ।
एमाले महासचिव शङ्कर पोखरेलले देशमा स्थायित्व र स्थिरताका लागि एमालेलाई बलियो राजनीतिक शक्ति बनाउनुपर्ने बताएका छन्। युवाहरूको निराश हटाउन र उत्पीडित वर्गलाई पार्टीतर्फ आकर्षित गर्न योजना बनाउनुपर्नेमा उनले जोड दिए।
रुकुमपश्चिमको त्रिवेणी गाउँपालिका–६ स्थित नेपाली सेनाको ब्यारेज नजिकै बम फेला परेको छ। सुरक्षाकर्मीले घटनास्थल सुरक्षित गरी डिस्पोजल टोली परिचालन गरेको छ।
पाँच करोड पर्ने बहुमूल्य ढुंगा दिने भन्दै प्रलोभनमा पारेर साढे १३ लाख ठगी गरेको आरोपमा पोखराबाट तीन जना पक्राउ परेका छन्।
प्रधानमन्त्री केपी शर्मा ओलीले माओवादीको १० वर्षे सशस्त्र संघर्षलाई पुनः ‘हिंसा’ को रूपमा परिभाषित गर्दै प्रजातन्त्र दिवसलाई जनस्तरबाट भव्य रूपमा मनाउनुपर्ने बताएका छन्।
प्रधानमन्त्री केपी शर्मा ओलीले प्रजातन्त्र दिवसलाई जनताको दिवसका रूपमा मनाउन निर्देशन दिँदै सरकारी कार्यक्रमको परिपाटीको अन्त्य गर्नुपर्ने बताए। यस वर्ष तीन दिनसम्म विविध कार्यक्रम आयोजना हुनेछन्।
