politics

नेपालमा पश्चिमी न्यूनचापीय प्रणालीको प्रभाव देखिँदै, विभिन्न प्रदेशहरूमा आंशिकदेखि सामान्य बदली भएको छ। सुदूरपश्चिम, कर्णाली, र कोशी प्रदेशका उच्च पहाडी तथा हिमाली क्षेत्रमा हल्का हिमपातको सम्भावना रहेको छ भने केही स्थानहरूमा चट्याङ्गसहित हल्का वर्षा र हावाहुरीको सम्भावना रहेको छ। मौसम परिवर्तनले दैनिक जनजीवन, यातायात तथा स्वास्थ्य क्षेत्रमा असर पार्न सक्ने भएकाले सतर्कता अपनाउन मौसम पूर्वानुमान महाशाखाले आग्रह गरेको छ।

सर्वोच्च अदालतले समलिङ्गी विवाह लाई कानुनी मान्यता दिने कि नदिने भन्ने विषयमा चैत ५ गते मङ्गलवार फैसला सुनाउने भएको छ।आइतबार न्यायाधीशद्वय सपना प्रधान मल्ल र सुनिलकुमार पोखरेलको संयुक्त इजलास मा सुनुवाइपछि फैसला मितिका लागि निसु तोकिएको हो।

संघीय संसद् अन्तर्गत आज दुई संसदीय समितिको बैठक बस्ने भएको छ।बिहान ११ बजे अर्थ समितिको बैठक बस्नेछ, जसमा भन्सार सम्बन्धी कानुनलाई संशोधन र एकीकरण गर्न बनेको विधेयकमाथि दफावार छलफल हुनेछ। बैठक अर्थ समितिको बैठक कक्षमा हुनेछ।