आवाज बिहिनहरुको आवाज
काठमाडौँ: गृहमन्त्री रमेश लेखकले मुलुकभरका कारागारमा कैदीबन्दीको सङ्ख्या क्षमताभन्दा बढी रहेकाले कारागारको नयाँ भवन निर्माण र भौतिक संरचना थप्नु आवश्यक भएको बताउनुभएको छ । प्रतिनिधिसभा अन्तर्गत राज्य व्यवस्था तथा सुशासन समितिको बैठकमा बोल्दै गृहमन्त्री लेखकले कारागारको भौतिक संरचना थप गर्नुपर्ने, कैदीबन्दीको स्वास्थ्य उपचारदेखि सिदा रकम वृद्धिलगायत समग्र विषय व्यवस्थापनका लागि आर्थिक व्यवस्थापन जरुरी रहेको बताउनुभयो…
काठमाण्डौः परराष्ट्रमन्त्री डा आरजु राणा देउवाले वर्तमान सरकार हल्ला अथवा प्रचारबाजी गर्नका लागि नभएर काम गर्नका लागि आएको बताउनुभएको छ । राहादानी र कन्सुलर सेवा विभागमा सेवा प्रवाहको अवस्थाको निरीक्षण भ्रमणपछि प्रतिक्रिया दिँदै उहाँले भन्नुभयो “वर्तमान सरकारले आफ्नो प्रचारबाजी गर्दैन, काम गर्छ । यो सरकार कुनै सस्तो लोकप्रियताका लागि र हल्ला गर्नका लागि नभएर काम…
पूर्वपश्चिम राजमार्गस्थित महोत्तरीको बेलगाछी पुल बाढीले भत्काएको छ।रातभर चुरे क्षेत्रमा आएको अविरल वर्षाका कारण पुल भत्किएपछि देशकै मुख्य राजमार्ग भएर गुड्ने सवारीसाधन आज बुधबार बिहानैदेखि रोकिएका थिए।
गत आर्थिक वर्षमा पर्सा जिल्लामा दुई सय ३२ साना तथा घरेलु उद्योग खारेज भएका छन्। आर्थिक सङ्कटको कारणले उद्योगलाई निरन्तरता दिन नसकेपछि पर्सामा साना तथा घरेलु उद्योग सञ्चालकहरूले उद्योग खारेजी गराउन थालेका हुन्। घरेलु तथा साना उद्योग कार्यालय पर्साका प्रमुख उद्योग अधिकृत धनञ्जयकुमार सिंहका अनुसार, “आर्थिक मन्दीका कारण थलापरेका साना तथा घरेलु उद्योग बन्द हुने क्रम बढेको छ।”
ललितपुरको च्यासलस्थित नेकपा एमाले मुख्यालय र पुष्पलाल स्मृति भवन डुबानमा परेको छ ।रातीदेखि परेको अविरल वर्षाका कारण मनोहरा र बागमती नदीमा आएको बाढीले सो क्षेत्र डुबान परेको हो ।
चितवनको त्रिशुली नदीमा पहिरोले बगाएर बेपत्ता भएका दुई बस र यात्रुको खोजी कार्यमा हराएको चुम्बक पुनः फेला परेको छ। ६५ जनामध्ये ३ जना मात्र बाँच्न सफल भए भने ३८ यात्रुको अवस्था अझै अज्ञात छ। भारतको एनडिआरएफ टोलीले पनि खोजी कार्यमा सहभागिता जनाएको थियो।
काठमाण्डौको डिल्लीबजारमा आयोजित ‘टेक एक्स २०२४’ प्रदर्शनीमा आईटी, एआई, र रोबोटिक्सका नवीनतम परियोजनाहरू प्रस्तुत गरिएको छ। विद्यार्थीहरूको निर्माणलाई अवलोकन गर्न सकिने यो प्रदर्शनी साउन २० गतेसम्म सञ्चालन हुनेछ।
प्रदेश स्वास्थ्यमन्त्री विना गोरेजले केही समयपछि क्षतिको यकिन विवरण दिन सकिने प्रतिक्रिया दिएकी छन् । उनले १२५ जना घाइतेको उपचार भइरहेको र २५० जनाको उद्दार गरिएको बताएकी छन्।स्थानीयले फरकफरक स्थानमा कम्तीमा तीन ठूला पहिरो गएको बताएका छन् । अहिले पनि त्यहाँ लेदो, ढुङ्गामाटो बगिरहेको छ । भारी वर्षाका कारण केरलाका १० जिल्लाका विद्यालय तथा कलेज बन्द गरिएको छ । भारत सरकारले पहिरोमा ज्यान गुमाएकाहरूको परिवारलाई २ लाख र घाइतेहरूको लागि ५० हजार राहत घोषणा गरेको छ ।
नेपालका लागि चिनियाँ राजदूत छन सोङले नेपालको आर्थिक-सामाजिक विकासमा चीनको पूर्ण सहयोग रहने बताउनुभएको छ। बेल्ट एन्ड रोड इनिसिएटिभ (बिआरआई) अन्तर्गतका परियोजना नेपालका लागि लाभदायक हुने र सुधारका उपायहरूले चीन-नेपाल सम्बन्धलाई थप सुदृढ पार्नेमा उहाँले विश्वास व्यक्त गर्नुभएको छ।
सञ्चार तथा सूचना प्रविधिमन्त्री पृथ्वीसुब्बा गुरुङले समाजमा व्याप्त अन्धविश्वास, कुप्रथा, र रूढीवादी परम्पराको अन्त्यका लागि सरकारको प्रतिबद्धता व्यक्त गरेका छन्। एक कार्यक्रममा बोल्दै, उनले सबै प्रकारका विभेद र कुसंस्कारको अन्त्य गर्दै आधुनिक समाज निर्माणका निम्ति वर्तमान सरकार क्रियाशील रहेको बताए। मन्त्री गुरुङले ऐनकानुनको प्रभावकारी कार्यान्वयनमा जोड दिँदै, बोक्सी प्रथा, सति प्रथा, हलिया, छाउपडी, हरवाचरवा, र कम्लरी प्रथालाई पूर्ण रूपमा अन्त्य गर्नुपर्नेमा जोड दिए। उनले राजनीतिक रूपमा सङ्घीय लोकतान्त्रिक गणतन्त्रात्मक शासन व्यवस्थामा प्रवेश गरिसकेको भए पनि आर्थिक रूपमा मुलुक धेरै पछाडि रहेको औँल्याए। कार्यक्रमको अवसरमा बोक्सी प्रथामा आधारित चलचित्र ‘अग्निदहन’को पोष्टर पनि सार्वजनिक गरियो।
