Entertainment

टी-२० विश्वकपमा नेपाल दक्षिण अफ्रिकासँग एक रनले पराजित हुँदै ऐतिहासिक जितको नजिक पुगेर चुकेको छ। १ सय १६ रनको लक्ष्य पछ्याउँदै नेपालले २० ओभरमा ७ विकेट गुमाएर १ सय १४ रन मात्रै बनाउन सक्यो। नेपालका लागि आसिफ शेखले सर्वाधिक ४२ रन बनाए भने कुशल भुर्तेलले ४ विकेट लिए।

जारी टी-२० विश्वकपमा इङल्याण्डले ओमानमाथि ८ विकेटले शानदार जित हासिल गर्दै आफ्नो सुपर आठमा पुग्ने सम्भावना कायम राखेको छ। ओमानले दिएको ४८ रनको सानो लक्ष्यलाई इङल्याण्डले ३.१ ओभरमा मात्र २ विकेटको क्षतिमा पूरा गर्‍यो। इङल्याण्डका बलर आदील रशिद, जोफ्रा आर्चर, र मार्क वूडको उत्कृष्ट प्रदर्शनले ओमानलाई ४७ रनमै अलआउट गर्‍यो। यस जितसँगै इङल्याण्डले ३ खेलमा ३ अंकसहित तेस्रो स्थानमा रहेको छ र सुपर आठमा पुग्न आगामी खेलमा नामिबियालाई पराजित गर्नुपर्नेछ।