बरहथवामा वडासदस्य राधेश्याम महतोको निधनमा आज शोक बिदा

नगरपालिकाले बिहिबारका दिन सबै वडा कार्यालय, नगरपालिका मातहतका स्वास्थ्य संस्था (आकस्मिक सेवा बाहेक) र शैक्षिक संस्थाहरू बन्द राख्ने निर्णय गरेको हो। यसदिन नगर क्षेत्रमा शोक वातावरण रहेको छ।

वडासदस्य महतोको निधन भदौ १९ गते भएको हो। उनको निधनले बरहथवा नगरपालिका र स्थानीय राजनीतिक क्षेत्रमा ठूलो क्षति पुगेको भन्दै नगरवासीले श्रद्धाञ्जली व्यक्त गरेका छन्।

राधेश्याम महतो नेकपा माओवादी केन्द्रबाट निर्वाचित भएका वडा सदस्य हुन्। स्थानीय विकास र जनसेवामा सक्रिय रहँदै आएका महतो लोकप्रिय जनप्रतिनिधिका रूपमा परिचित थिए।

नगरपालिकाले महतोको योगदानलाई सम्झँदै श्रद्धाञ्जली अर्पण गरेको छ। साथै, शोकको यस घडीमा उनको परिवारप्रति हार्दिक समवेदना प्रकट गरेको जनाएको छ।