काठमाडौँ । भक्तपुरबाट सात राउन्ड गोलीसहित सर्लाहीका एक जना पक्राउ परेका छन् ।
जिल्ला प्रहरी परिसर भक्तपुरका डीएसपी प्रकाश जबेगुका अनुसार लालबन्दी नगरपालिका–५ का ४० वर्षीय गोपाल विक पक्राउ परेका हुन् ।
उनी हाल भक्तपुरको मध्यपुर थिमी नगरपालिका-१ लोकन्थलीस्थित सकुमबासी बस्तीमा बस्दै आएका थिए । उनको साथबाट बरामद भएका गोलीमा ५६ केएफ १३ उल्लेख छ ।
जेनजी आन्दोलनका क्रममा लुटिएका हुन् कि होइनन् भन्ने यकिन भइसकेको छैन । जिल्ला अदालत भक्तपुरबाट चारदिने म्याद लिएर प्रहरीले अनुसन्धान अगाडि बढाइएको पनि डीएसपी जबेगुले जानकारी दिए ।
