लालबन्दी : धनुषामा बसको ठक्करबाट एक युवकको मृत्यु भएको छ भने एक जना घाइते भएका छ्न्।
जिल्लाको नगराईन नगरपालिका-३, बलहती पोखरी नजिक सडकमा ना.५ ख २८४० नम्बरको बसले प्रदेश २-०२-००१प २४८७ नम्बरको मोटरसाइकललाई बुधबार दिउँसो ठक्कर दिँदा मोटरसाइकल चालक मुखियापट्टी मुसहरनिया गाउँपालिका-१ बस्ने २५ वर्षीय दिपक साहको मृत्यु भएको हो।
दुर्घटनामा गम्भीर घाइते भएका उनको जानकी हेल्थ केयर अस्पताल जनकपुरमा उपचारको क्रममा मृत्यु भएको हो। दुर्घटनामा घाइते भएका मोटरसाइकलमा सवार १ जनाको रामनन्द अस्पताल जनकपुरमा उपचार भइरहेको छ।
हाल फरार बस चालकको प्रहरीले खोजी गरिरहेको प्रहरीले जनाएको छ।
