आवाज बिहिनहरुको आवाज
सर्लाही जिल्लाको लालबन्दी नगरपालिका-१५ बोरे डाँडा बस्ने ५० वर्षीय रामलाल मोक्तानलाई प्रहरीले मेड इन युएसए लेखिएको १ थान रिभल्वरसहित गएराति पक्राउ गरेको छ। मोक्तानलाई प्रहरीले घर तलासी गर्दा उक्त रिभल्वर फेला पारेको हो। लालबन्दीमा रिभल्वरसहित एक पुरुष पक्राउ परेका हुन ।
सर्लाही जिल्ला अदालतले रामबहादुर बम्जनलाई बालिकामाथि कसुर गरेको ठहर गरेको छ। बम्जनलाई दोषी ठहर गरिएको र सजाय असार १७ गतेको इजलासले टुङ्ग्याउने छ। अभियुक्त बम्जन हाल पुर्पक्षका लागि महोत्तरी कारागारमा छन्।
मलुकका सबै ६ महानगरपालिकाले सोमबार आगामी आर्थिक वर्ष २०८१/८२ को बजेट सार्वजनिक गरेका छन्। काठमाडौंले सबैभन्दा ठूलो बजेट २५ अर्ब ७० करोड ६३ लाख प्रस्तुत गरेको छ भने वीरगञ्जले सबैभन्दा सानो बजेट २ अर्ब ८९ करोड ल्याएको छ। बजेटमा सार्वजनिक सेवा, सहरी पूर्वाधार, र रोजगार सिर्जनामा जोड दिइएको छ।
देवदह नगरपालिकाले आर्थिक वर्ष ०८१/८२ का लागि डेढ अर्ब रुपैयाँभन्दा बढीको बजेट ल्याएको छ। बजेटमा संघीय र प्रदेश सरकारबाट अनुदान, आर्थिक, सामाजिक, पूर्वाधार विकासका लागि विनियोजन गरिएको छ। यद्यपि, बजेटको अधिकांश हिस्सा अनुत्पादक र टुक्रे योजनामा छुट्याइएको छ।
काठमाडौं महानगरपालिकाका मेयर बालेन साहमाथि कार्यपालिका सदस्य अनिता कार्की ढोलीले गम्भीर प्रश्न उठाउँदै नीति तथा कार्यक्रममाथिको छलफलमा भाग लिइन्। उनले महानगरको दरबारमा रजगज गर्दा कार्यपालिकामा छलफल नगरी नीति तथा कार्यक्रम प्रस्तुत भएको बताइन्।
