आवाज बिहिनहरुको आवाज
निद्राको कमीले ग्रेह्लीन र लेप्टिन हर्मोनमा बाधा पुर्याई फूड केविङ निम्त्याउँछ, जसले उच्च क्यालोरी र मिठाई खाने इच्छा बढाउँछ। पर्याप्त र गुणस्तरीय निद्राका लागि सुत्ने समयतालिका, मेडिटेसन, तातो पानीले नुहाउने र इलेक्ट्रोनिक ग्याजेटको प्रयोग नगर्ने उपाय अपनाउनुपर्छ।
जल तथा मौसम विज्ञान विभागले आगामी तीन दिन मध्य तथा पश्चिम तराईमा अत्यधिक गर्मीको सम्भावना रहेको जनाउँदै ती भेगका सर्वसाधारणलाई सावधानी अपनाउन आग्रह गरेको छ। कञ्चनपुर, कैलाली, बर्दिया, बाँके र दाङमा तातो हावा र तातो लहरको चेतावनी जारी गरिएको छ। सुदूरपश्चिम र लुम्बिनी प्रदेशका तराई भू-भागमा अधिकतम तापक्रम ४० डिग्री सेल्सियस वा सोभन्दा बढी मापन गरिएको छ र यो क्रम केही दिन जारी रहने सम्भावना छ। अत्यधिक गर्मीबाट बच्नका लागि पर्याप्त पानी पिउन, छायाँमा बस्न, हल्का कपडा लगाउन, र बाहिर ननिस्कन सल्लाह दिइएको छ।
कान्तिपुर मिडिया ग्रुपका अध्यक्ष कैलाश सिरोहिया चार दिनदेखि प्रहरी हिरासतमा रहँदा स्वास्थ्यमा समस्या देखिएपछि जनकपुरस्थित काव्या अस्पतालमा भर्ना गरिएका छन्। उच्च रक्तचाप, मुटुको चालमा उतारचढाव, र टाउको दुखाइका कारण उनलाई गम्भीर अवस्था भएपछि अस्पताल सारिएको हो। चिकित्सकहरू उनको स्वास्थ्य परीक्षण गर्दै नियमित रुपमा उपचार गरिरहेका छन्।
