आवाज बिहिनहरुको आवाज
दार्चुलाको नौगाड गाउँपालिका–१ नागु क्षेत्रका स्थानीयले सडक निर्माणको माग सम्बोधन नभएसम्म प्रतिनिधिसभा निर्वाचन बहिष्कार गर्ने अडान कायमै राखेका छन्। विकासका वाचा पूरा नभएको भन्दै उनीहरूले मतदान नगर्ने निर्णय गरेका हुन्।
व्यास नगरपालिकाका चार वडालाई जोड्ने पराशर मार्गको स्तरोन्नति सुस्त गतिमा अघि बढेको छ। १० दशमलव ५५ किलोमिटर दूरीको यो परियोजनाको भौतिक प्रगति ९.१३ प्रतिशत र वित्तीय प्रगति ७.४६ प्रतिशतमा सीमित छ। २०८२ असारभित्र सम्पन्न गर्ने लक्ष्य राखिएको यो सडकले स्थानीय यातायात र व्यापारमा सुधार ल्याउने अपेक्षा गरिएको छ।
नवलपुरमा ३७ किमी सडक कालोपत्र र तीन ठूला मोटरेबल पुलको सफल निर्माण सम्पन्न भएको छ। पूर्वाधार विकास कार्यालयले गोडारखोलामा निर्माण सम्पन्न गरेको पुलले स्थानीयवासीको दैनिकी सहज बनाएको छ।
नागढुङ्गादेखि मुग्लिङसम्मको सडक विस्तार र स्तरोन्नति परियोजनाले धेरै आशा र अपेक्षा बोकेको थियो। तर, यो परियोजनाको सुस्त प्रगतिले यात्रुहरू र स्थानीय बासिन्दाहरूलाई निराश बनाएको छ। समयमै काम सम्पन्न नहुनु, निर्माण सामग्रीको अभाव, र अनुकूल मौसमको कमी जस्ता कारणहरूले परियोजना धिमा गतिमा अघि बढिरहेको छ।
